SEKHARAÏAH 12:5 - Khasi CL Bible (BSI)

⁵ Nangta ki kur jong ka Judah kin ong ha lade, ‘U Trai U Blei Badonbor Baroh u ai ka jingkhlaiñ ha ki briew jong u kiba shong basah ha Jerusalem.’

KA BAIBL

⁵ Bad ki nongïalam jong ki Judah kin ong ha la ka dohnud, ‘Ki nong Jerusalem ki long ka bor jong nga ha U Trai ki paid U Blei jong ki.’ ”

SEKHARAÏAH 12:5 Mawu Ofanana

SALM 144:1

To ïaroh ïa U Trai, u nongïada jong nga! U hikai ïa nga ban ïaleh thma bad u pynkhreh ïa nga na ka bynta ka thma bah.

SALM 18:32

U long U Blei uba pynlong khlaiñ ïa nga, uba pynshngain ïa ka lynti ïaid jong nga.

SALM 18:39

Me ai ha nga ka jingkhlaiñ ban ïaleh thma bad ka jingjop halor ki nongshun jong nga.

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

ISAÏAH 1:10

Ko Jerusalem, ki nongsynshar bad ki briew jong pha ki long kum ki jong ka Sodom bad Gomorrah. To shahshkor ïa kaei kaba U Trai u ong ïa pha. Pynleit jingmut ïa kaei kaba U Blei jong ngi u hikai ïa pha.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

ISAÏAH 28:5

Ka sngi kan wan haba U Trai Badonbor Baroh un long kum ka pansngiat badonburom jong ki syntiew na ka bynta ki briew jong u kiba dang sah.

ISAÏAH 28:6

Un ai ïa ka jingshemphang jong ka jingbishar hok ïa kito kiba trei kum ki nongbishar, bad ka jingshlur ïa kito kiba ïada ïa ki khyrdop ka nongbah na ka jingshah hiarthma.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 32:1

Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ISAÏAH 60:17

“Ngan wallam ïa pha ïa ka ksiar ha ka jaka ka rnong, ka rupa bad ka tama ha ka jaka u nar bad ka dieng, bad u nar ha ka jaka u maw. Ki nongsynshar jong pha kin ym banbeiñ shuh ïa pha; ngan pynlong ïa ki ban synshar da ka hok bad ka jingsuk.

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 12:4

Ha kata ka por ngan pynshyrkhei ïa ki kulai jong ki baroh bad ngan pynlong ïa ki nongshong jong ki baroh ban leh lamwir. Ngan khmih halor ki briew ka Judah, hynrei ngan pynmatlah ïa ki kulai jong ki nongshun jong ki.

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 14:14

Ki rangbah jong ka Judah ki ïaleh ban ïada ïa ka Jerusalem. Kin shim kum ka jinglute ïa ka spah jong ki hima baroh — ka ksiar, ka rupa bad ki jaiñphong babun.

NONGBISHAR 5:9

Ka dohnud jong nga ka long bad ki nongai hukum jong ki Israel, Lem bad u paidbah uba tyrwa mon sngewbha da kaba kmen. Ïaroh ïa U Trai!