SEKHARAÏAH 12:4 - Khasi CL Bible (BSI)

⁴ Ha kata ka por ngan pynshyrkhei ïa ki kulai jong ki baroh bad ngan pynlong ïa ki nongshong jong ki baroh ban leh lamwir. Ngan khmih halor ki briew ka Judah, hynrei ngan pynmatlah ïa ki kulai jong ki nongshun jong ki.

KA BAIBL

⁴ Ha kata ka sngi,” ong U Trai, “ngan shoh ïa u kulai baroh da ka jinglyngngoh, bad u nongshong jong u da ka jinglamwir: bad ngan peit la ki khmat halor ka ïing Judah, bad ngan shoh ïa u kulai baroh jong ki paidbah da ka jingmatlah.

SEKHARAÏAH 12:4 Mawu Ofanana

1 SYIEM 8:29

Khmih halor kane ka Templ mynsngi bad mynmiet, kane ka jaka ha kaba me la jied ban mane ïa me. Shahshkor ïa nga haba nga phai ka khmat sha kane ka templ ban duwai.

2 SYIEM 6:14

u phah shata ïa ka kynhun babun ryngkat bad ki kulai bad ki kali ïapom. Ki la poi ha ka nongbah mynmiet bad ki kerkut ïa ka.

2 SYIEM 6:18

Haba ki Syria ki wan tur ïaleh, u Elisha u la duwai, “Ko Trai, to pynmatlah ïa kine ki briew.” U Trai u la jubab ïa ka jingduwai jong u bad shoh pynmatlah ïa ki.

2 KHRONIKL 6:20

To khmih halor kane ka Templ mynsngi bad mynmiet. Me la kular ba kane kan long ka jaka ha kaba yn mane ïa me, kumta to sngew ïa nga haba nga phai khmat sha kane ka Templ bad duwai.

2 KHRONIKL 6:40

“Mynta, Ko Blei jong nga, khmih ïa ngi, bad shahshkor ïa ki jingduwai kiba ngi buh ha kane ka jaka.

2 KHRONIKL 7:15

Ngan khmih halor kane ka Templ bad ngan kloi ban shahshkor ïa ki jingduwai baroh ba yn pynlong hangne,

NEHEMAÏAH 1:6

Khmih ïa nga, ko Trai, bad to sngew ïa ka jingduwai jong nga, katba nga duwai mynsngi bad mynmiet na ka bynta ki shakri jong me, ki briew ka Israel. Nga phla ba ma ngi, ki briew ka Israel, ngi la leh pop. Ki kpa tymmen jong nga bad ma nga, ngi la leh pop.

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

ISAÏAH 37:17

Mynta, A Trai, to sngap ïa ngi bad to peit ïa kaei kaba la jia ha ngi. To shahshkor ïa baroh kiei kiei kiba u Sennakherib u la ong ban ñiewbeiñ ïa me, U Blei ba-im.

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

ESEKIEL 38:4

Ngan pynphai sawdong ïa u, ngan buh ki khwai ha ki tyngam jong u bad ngan patan noh ïa u bad ïa ka kynhun shipai jong u baroh. Ka kynhun shipai jong u ka long kaba khraw, lem bad ki kulai bad ki nongshong kulai kiba riam ryntih, bad man la u shipai uba rah ka stieh bad kieng ka waitlam.

ESEKIEL 39:20

Ha ka miej jong nga kin bam baroh katba lah na ki kulai bad ki nongshong kulai jong ki bad na ki shipai bad ki nongïaleh. Ma nga, U Trai Nongsynshar, nga la kren.”

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

SEKHARAÏAH 12:11

Ha kata ka por ka jingïambriew ha Jerusalem kan long kaba khraw kum ka jingïambriew na ka bynta u Hadad Rimmon ha ki pyntha jong ka Megiddo.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

SEKHARAÏAH 12:5

Nangta ki kur jong ka Judah kin ong ha lade, ‘U Trai U Blei Badonbor Baroh u ai ka jingkhlaiñ ha ki briew jong u kiba shong basah ha Jerusalem.’

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 14:15

Ka jingpang bashyrkhei kan hap halor ki kulai, ki khashor, ki ut, bad ki kada — halor ki mrad baroh ha ki jaka sher dara jong u nongshun.

SEKHARAÏAH 9:8

Ngan ap phira ïa ka ri jong nga bad ngan ym shah ïa ki kynhun shipai ban ïaid lyngba jong ka. Ngan ym shah shuh ïa ki nongbanbor ban banbeiñ ïa ki briew jong nga. Nga la ïohi haduh katno ki briew jong nga ki la shahshitom.”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

DEUTERONOMI 28:28

U Trai un pynlamwir ïa phi, un pynmatlah ïa phi, bad un pynshaïong ïa phi.