SALM 5:4 - Khasi CL Bible (BSI)

⁴ Mem long U Blei uba sngewbha ïa ka jingleh bymdei; mem shah ïa kaba sniew ha khmat jong me.

KA BAIBL

⁴ Naba mem long U Blei uba sngewbha ha ka jingbymman: ka jingsniew kan ym ïoh shong bad me.

SALM 5:4 Mawu Ofanana

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

SALM 101:7

Uba lamler un ym lah ban shong ban sah ha ka ïingsyiem jong nga; uba arsap un ym sah ha ka jaka ba nga don.

SALM 11:5

U khmih bniah ïa uba hok bad ïa u bymman kumjuh, ïa uba tamsneng u isih da ka dohnud jong u baroh.

SALM 140:13

Da shisha kiba hok kin ïaroh ïa me; kin ïoh shong ha ka jingdon ryngkat jong me.

SALM 50:21

Phi la leh ïa kane baroh, bad ngam shym ong ei ei, kumta phi pyrkhat ba nga la long kum ma phi. Hynrei mynta nga sneng ïa phi bad nga pynlong ïa kane ka kam kaba shai ha phi.

SALM 63:2

Shah ïa nga ban ïohi ïa me ha ka jaka kyntang; shah ïa nga ban ïohi haduh katno me long uba donbor bad uba donburom.

SALM 88:14

Balei me kyntait ïa nga, A Trai? Balei me phai noh na nga?

SALM 92:15

Kane ka pyn-i ba U Trai u long uba hok, bad ym don jingbakla ha u nongïada jong nga.

SALM 94:20

Mem don ei ei ban leh ïa ki nongsynshar bymhok, kiba pynlong ïa ka jingbymhok ban ksan,

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

2 PETROS 3:13

Hynrei ngi ap ïa kaei kaba U Blei u la kular: Ïa ki bneng kiba thymmai bad ïa ka khyndew kaba thymmai, ha kaba ka hok kan don.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.