Ka Shithi U Paul Sha Ki Nong Rom 9:1 - Khasi CL Bible (BSI)

¹ Nga kren ïa ka jingshisha, nga long u jong U Khrist bad ngam kren ïa ka bymshisha. Ka jingïatiplem, ba la synshar da U Mynsiem Bakhuid ruh ka kren skhem ba ngam kren ïa ka bymshisha

KA BAIBL

¹ Nga kren ïa kaba shisha ha U Khrist, ngam lamler keiñ, ka jingïatiplem jong nga ka da ïaphla shai ryngkat bad nga ha U Mynsiem Bakhuid,

Ka Shithi U Paul Sha Ki Nong Rom 9:1 Mawu Ofanana

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

Ka Shithi U Paul Sha Ki Nong Rom 2:15

Ka jingleh jong ki ka pyn-i ba ïa kaei kaba ka Hukum ka dawa, la thoh ha ki dohnud jong ki. Ki jingïatiplem jong ki ruh ki pyn-i ba kane ka long kaba shisha, namar ki jingpyrkhat jong ki teng teng ki pynrem ïa ki bad teng teng ki kyrshan ïa ki.

Ka Shithi U Paul Sha Ki Nong Rom 8:16

U Mynsiem jong U Blei u pynïasoh lang ïa lade bad ki mynsiem jong ngi ban pynbna ba ngi long ki khun jong U Blei.

Ka Shithi U Paul Sha Ki Nong Rom 9:2

haba nga ong katno ka jingsngewsih jong nga, katno ka jingpang ba khlem kut jong ka dohnud jong nga na ka bynta ki briew jong nga, kiba long ka doh ka snam jong nga!

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 1:23

Nga ñiew ïa U Blei kum u sakhi jong nga — u tip ïa ka dohnud jong nga! Ka long na ka bynta ban ïada ïa phi ba nga la rai ban ym leit sha Korinth.

2 KORINTH 11:10

Da ka jingshisha U Khrist kaba don ha nga, nga kular ba ïa kane ka jingsngew sarong jong nga yn ym pynsngap jar hangno hangno ha Akhaïa baroh kawei.

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

2 KORINTH 12:19

Lehse phi pyrkhat ba baroh shi katta ngi la pyrshang ban ïasaid da ïa lade ha khmat jong phi. Em! Ngi kren kumba U Khrist un jin da la kwah ïa ngi ban kren ha ka jingdon ryngkat U Blei, bad baroh kaba ngi leh, ko paralok ba-ieit, la leh ban ïarap ïa phi.

GALATIA 1:20

Kaei kaba nga thoh ka long kaba shisha. U Blei hi u tip ba ngam shym lamler!

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

1 THESSALONI 2:5

Phi tip bha ba ngim shym la wan ha phi da ki jingkren jali ja-um, lymne ba ngi la pyndonkam ïa ki kyntien ban da 'rap-jot ïa ka jinglalot — U Blei u long u sakhi ïa ngi!

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 5:21

Ha khmat jong U Blei bad jong U Khrist Jisu bad jong ki angel to kohnguh ïa kine ki jinghikai khlem jingujor lane khlem shah shiliang ïano ïano ha kano kano kaba me leh.