Ka Shithi U Paul Sha Ki Nong Rom 8:14 - Khasi CL Bible (BSI)

¹⁴ Kito ïa kiba la ïalam da U Mynsiem U Blei, ki long ki khun U Blei.

KA BAIBL

¹⁴ Namar, kat kiba la ïalam da U Mynsiem U Blei, kita keiñ ki long ki khun U Blei.

Ka Shithi U Paul Sha Ki Nong Rom 8:14 Mawu Ofanana

SALM 143:10

Me long U Blei jong nga; to hikai ïa nga ban leh ïa ka mon jong me. Long uba bha ïa nga, bad to ïalam ïa nga ha ka lynti bym don jingma.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

MATHAÏOS 5:9

Suk kito kiba trei na ka bynta ka jingsuk; U Blei un khot ïa ki, ki khun jong u!

ÏOANNIS 1:12

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

Ka Shithi U Paul Sha Ki Nong Rom 8:5

Kito kiba im kumba ka jinglong ba kynja doh ka ong ïa ki ban leh, ki jingmut jingpyrkhat jong ki, ki shah pynïaid da kaei kaba ka jinglong ba kynja doh ka kwah. Kito kiba im kat kum ka jingong U Mynsiem ïa ki, ki shah pynïaid ha kaei kaba U Mynsiem u kwah.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

Ka Shithi U Paul Sha Ki Nong Rom 9:26

Bad ha kata hi ka jaka ha kaba ki la ong, ‘Phim dei ki briew jong nga.’ Hangta yn khot ïa ki, ki khun jong U Blei ba-im.”

Ka Shithi U Paul Sha Ki Nong Rom 9:8

Kane ka mut ba ki khun ba la kha kat kum ka rukom, kim dei ki khun jong U Blei; hynrei, ïa ki khun ba la kha kat kum ka jingkular U Blei, la ñiew kum ki nonghiarpateng bashisha.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 4:5

U la wan kum u Khun na ka briew bad u la im hapoh ka Hukum ki Jiw, ban siewspah ïa kito kiba hapoh ka Hukum, ba ngi lah ban long ki khun U Blei.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

GALATIA 5:16

Kane ka long kaei kaba nga ong: Shah ïa U Mynsiem ba un pynïaid ïa ki jingim jong phi, bad phin ym pynhun ïa ki jingkwah brai jong ka doh.

GALATIA 5:18

Lada U Mynsiem u ïalam ïa phi, te phim long shuh hapoh ka Hukum.

EPHESOS 1:5

Namar ka jingieit jong u, U Blei u la rai lypa ba da U Jisu Khrist un pynlong ïa ngi ki khun jong u — kane ka long ka jingsngewbha bad ka jingthmu jong u.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.