Ka Shithi U Paul Sha Ki Nong Rom 5:3 - Khasi CL Bible (BSI)

³ Ngi sngewsarong ruh ïa ki jingshah shitom jong ngi, namar ngi tip ba ka jingshah shitom ka pynmih ïa ka jingïaishah,

KA BAIBL

³ Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah;

Ka Shithi U Paul Sha Ki Nong Rom 5:3 Mawu Ofanana

HABAKKUK 3:18

Ngan ïai lehkmen bad shadkmen, namar U Trai U Blei u long u nongpynim jong nga.

LOUKAS 21:19

To ïeng skhem, bad phin ri pynim ïa lade hi.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

Ka Shithi U Paul Sha Ki Nong Rom 8:23

Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

Ka Shithi U Paul Sha Ki Nong Rom 9:10

Bad kam dei tang katne. Naba ki ar ngut ki khun shynrang ka Rebekka ki la don ujuh u kpa, u Isaak, u kpa tymmen jong ngi.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

2 KORINTH 8:19

Bad nalor kata, ïa u la jied bad la thung da ki balang ban leit bad ngi katba ngi dang ïai pyndep ïa kane ka jingshakri jong ka jingieit na ka bynta ka burom U Trai, bad khnang ban pyn-i ba ngi kwah ban ïarap.

EPHESOS 3:13

Nga kyrpad ïa phi, te ban ym noh mynsiem namar nga shahshitom na ka bynta jong phi; ka dei na ka bynta ka jingmyntoi jong phi baroh.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.