Ka Shithi U Paul Sha Ki Nong Rom 2:21 - Khasi CL Bible (BSI)

²¹ Phi hikai ïa kiwei pat — balei phim hikai ïa lade? Phi ïalap, “Wat tuh” — hynrei phi hi phi tuh?

KA BAIBL

²¹ Me te uba hikai ïa uwei pat, mem hikai ïa lade? me uba ïalap ban ym tuh, me hi me tuh?

Ka Shithi U Paul Sha Ki Nong Rom 2:21 Mawu Ofanana

ISAÏAH 42:20

Ko Israel, phi la ïohi shibun bha, hynrei ka don jingmut aïu ïa phi? Phi don ki shkor ban sngew, hynrei phi ïohsngew aïu da shisha?”

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MATHAÏOS 21:13

bad u la ong ha ki, “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing ka jingduwai.’ Hynrei phi pynlong ïa ka, ka jakarieh ïa ki nongtuh!”

LOUKAS 11:46

U Jisu u la jubab, “A katno kaba shyrkhei ruh ïa phi ki nonghikai ka Hukum! Phi buh ki jingkit halor ki met jong ki briew, kiba eh ïa ka ban kit, hynrei phi hi phim kner wat kawei ka shympriah kti ban ïarap ïa ki ban kit ïa kita ki jingkit.

LOUKAS 12:47

“U shakri uba tip aïu u kynrad jong u, u kwah ïa u ban leh, hynrei u bym shym la pynkloi ïa lade bad leh ïa ka, un shah pynshitom da ka jingsympat kaba jur.

LOUKAS 19:22

U la ong ha u, ‘Me u shakri bym long! Ngan pyndonkam ïa ki ktien jong me ban pynrem ïa me! Me tip ba nga long u briew uba eh, uba shim ïa kaei ka bym dei ka jong nga bad uba ot ïa kaei kaba ngam shym bet.

LOUKAS 4:23

U la ong ha ki, “Nga thikna ba phin sot ïa kane ka proberb ha nga, ‘Ko nongpynkhiah, to pynkhiah ïa lade.’ Phin ong ruh ïa nga ban leh hangne ha la ka shnong ïa kijuh kiei kiei kiba phi la ïohsngew ïa kiba la leh ha Kapernam.

1 KORINTH 9:27

Nga pyneh ïa la ka met da ki jingshahkura bad nga pyndem ïa ka hapoh ka bor synshar lade, ban sumar ïa lade na kaba shah kyntait hadien ba nga la khot ïa kiwei sha ka jingïakhun.

GALATIA 6:13

Wat kita kiba pdiang ïa ka jingotsher kim shym kohnguh ïa ka Hukum; ki kwah ïa phi ban otsher khnang ba ki lah ban kob ba phi la pynkohnguh ha kane ka jinglehniam ha ka doh.