Ka Shithi U Paul Sha Ki Nong Rom 12:11 - Khasi CL Bible (BSI)

¹¹ To trei shitom bad wat long kiba alhia. To shakri ïa U Trai da ka dohnud kaba aiti lut.

KA BAIBL

¹¹ ha ka jingleh minot, to wat long kiba alhia; kiba shitrhem ha ka mynsiem, kiba shakri ïa U Trai;

Ka Shithi U Paul Sha Ki Nong Rom 12:11 Mawu Ofanana

EKSODOS 5:17

U Pharaoh u la jubab, “Phi kiba jaipdeh bad phim kwah ban treikam, bad dei kata balei ba phi kyrpad ïa nga ban shah ïa phi ban leit bad ai ki jingkñia sha U Trai.

PROBERB 10:26

Wat ju ailad ïa u briew uba jaipdeh ban leh ei ei na ka bynta jong phi; un long kum ka sirka kaba pynshyrkhei ïa ki bniat, lane kumba pynsat ka tdem ïa ki khmat.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 18:9

U briew uba jaipdeh u long uba sniew kum uno uno uba pynjot.

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

PROBERB 31:15

Ka khie dang step phyrngab bad ka pynkhreh jingbam ïa kiba ha ka ïing jong ka, bad ban ong ïa la ki shakri kynthei ïa kaei kaba ki dei ban leh.

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

ISAÏAH 56:10

U ong, “Baroh ki nongïalam, kiba dei ban maham ïa ki briew jong nga, ki long kiba matlah! Kim tip ei ei. Ki long kum ki 'sew-ap ki bym ju wiar — ki shu thiah bad phohsniew. Katno ki sngewtynnat ban thiah!

MATHAÏOS 24:12

Haduh katta kan long ka jingsaphriang jong ka jingsniew ba ka jingieit jong ki briew kiba bun kan man khriat.

MATHAÏOS 25:26

“ ‘Me u shakri uba sniew bad uba jaipdeh!’ u kynrad jong u, u la ong. ‘Me la tip, ym dei, ba nga ot ïa ki jingot na kaba ngam shym bet, bad lum ïa ki jingthung na kaba ngam shym bet symbai?

KI KAM 18:25

La hikai ïa u ha ka Lynti jong U Trai, bad da ka jingshitrhem bakhraw u la pynbna bad hikai khlem bakla ïa ki jingshisha shaphang U Jisu. Pynban u la tip tang ïa ka jingpynbaptis jong u Ïoannis.

KI KAM 20:19

Da ka jingsngewrit baroh bad shibun ki ummat nga la trei ïa ka kam jong nga kum u shakri jong U Trai ha ki por kiba eh kiba la wan ha nga namar ki jingïasylla jong ki katto katne ngut ki Jiw.

1 KORINTH 7:22

Naba u mraw uba la khot da U Trai u long uba laitluid na ka bynta U Trai; kumjuh ruh u briew uba laitluid ïa uba la khot da U Khrist u long u mraw jong U.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

KOLOSSAI 4:1

Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.