Ka Shithi U Paul Sha Ki Nong Rom 12:1 - Khasi CL Bible (BSI)

¹ Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

KA BAIBL

¹ Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi.

Ka Shithi U Paul Sha Ki Nong Rom 12:1 Mawu Ofanana

SALM 116:12

Kaei nga lah ban ai ïa U Trai namar ka jinglehbha jong u baroh ïa nga?

SALM 19:14

To ai ba ki kyntien jong nga bad ki jingpyrkhat jong nga kin long kiba la pdiang hun ha me, A Trai, me long ka jakarieh jong nga bad u nongsiewspah jong nga!

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

LOUKAS 7:47

Te nga ong ha me, ka jingieit bakhraw kaba ka la pyn-i ka pynshisha ba ïa ki pop jong ka kiba bun la map. Hynrei uno uno uba la ïohmap khyndiat u pyn-i tang khyndiat ka jingieit.”

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

Ka Shithi U Paul Sha Ki Nong Rom 15:30

Nga kyntu ïa phi, ko ki parabangeit, da U Jisu Khrist uba U Trai jong ngi bad da ka jingieit kaba U Mynsiem u ai: To ïasoh bad nga ha ka jingduwai shitrhem sha U Blei na ka bynta jong nga.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

Ka Shithi U Paul Sha Ki Nong Rom 6:16

Da shisha phi tip ba haba phi pyndem ïa lade kum ki mraw ban kohnguh ïano ïano, ha ka jingshisha, phi long ki mraw jong u kynrad uba phi kohnguh — lada ka long ka pop, kaba ka jingmih ka long ka jingïap, lane ka jingkohnguh, kaba ka jingmih ka long ka jingïasuk bad U Blei.

Ka Shithi U Paul Sha Ki Nong Rom 6:19

(Nga pyndonkam ka ktien kaba ïakren man ka sngi namar ka jingtlot jong ka jingim tynrai jong phi.) Mynshuwa phi la pyndem ïa lade nadong shadong kum ki mraw ka jingbymkhuid bad ka jingbymman na ka bynta ki jingthmu bymman. Ha kajuh ka rukom mynta phi dei ban pyndem ïa lade nadong shadong kum ki mraw jong ka hok na ka bynta ki jingthmu bakhuid.

Ka Shithi U Paul Sha Ki Nong Rom 9:23

Bad u la kwah ruh ban pynpaw ïa ka burom bakhraw jong u, ïa kaba la theh halor jong ngi kiba long ka jingisynei jong u, kito na ngi ïa kiba u la pynkhreh ban ïohpdiang ïa ka burom jong u.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 4:16

Na kane ka daw ngim ju duh jingkyrmen. Wat la ki met ba kynja doh jong ngi ki la nang pyut noh, pynban, ïa ki met ba kynja mynsiem jong ngi la nang pynthymmai na kawei ka sngi sha kawei ka sngi.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

EPHESOS 5:10

Pyrshang ban tip ïa kaei kaba pynsngewbha ïa U Trai.

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

PHILIPPI 1:20

Ka jingkwah bajur bad ka jingkyrmen jong nga ka long ba ngan ym shah rem ha ka kamram jong nga, hynrei, ha ki por baroh, bad kyrpang ïa mynta hi, ngan da long uba dap da ka jingshlur, khnang ba da ka longrynïeng jong nga baroh, ngan wanrah burom ïa U Khrist, la nga im ne nga ïap.

PHILIPPI 2:17

Lehse ïa ka snam jong ka jingim jong nga la dei ban theh noh kum ka jingainguh halor ka jingkñia kaba long ka jingngeit jong phi ba ai sha U Blei. Lada kata ka long kumta, nga shadkmen bad nga ïasam bynta lem ïa ka jingkmen jong nga bad phi baroh.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

1 THESSALONI 4:10

Bad shisha phi la leh ïa kane ha ki parabangeit baroh ha Makedonia. Kumta ngi kyrpad ïa phi, ko parabangeit, ba phin nang leh shuh shuh.

1 THESSALONI 5:12

Ngi kyrpad ïa phi, ko parabangeit jong ngi, ban ai ka burom kaba dei biang ïa kito kiba la trei hapdeng jong phi, kiba la ïalam bad hikai ïa phi ha ka jingim kum kiba ngeit.

1 TIMOTHI 2:3

Kane ka long kaba bha bad kaba pynsngewbha ïa U Blei U Nongpynim jong ngi, namar u kwah ba uwei pa uwei un ïohlait im bad ban ïoh tip ïa ka jingshisha.

1 TIMOTHI 5:4

Hynrei lada ka riewkynthei ka don ki khun ne ki khun ksiew, ki dei ban nang shuwa nyngkong ban khmih ïa ki kam ba kynja mynsiem ka longïing la jong hi bad ha kane ka rukom ki siew kylliang ïa la ki kmie ki kpa bad ïa ki kmierad parad, namar kata ka long kaba pynsngewbha ïa U Blei.

PHILEMON 1:10

Kumta nga pynlong ïa kane ka jingkyrpad na ka bynta u Onesimos, uba long u khun jong nga hi ha U Khrist; ba mynba ngi la don ha ka byndi nga la long u kpa jong u ha ka mynsiem.

PHILEMON 1:9

Hynrei namar ba nga ieit ïa me, nga pynlong ïa kane ka jingkyrpad. Nga leh ïa kane wat la nga long u Paul, u nonglamktien jong U Khrist Jisu, bad mynta ruh u nongsah byndi na ka bynta jong u.

HEBRU 13:22

Nga kyrpad ïa phi, ko parabangeit jong nga, ban shahshkor bha ïa kane ka khubor ka jingpynshlur; naba kane ka shithi kaba nga la thoh sha phi kam da long kaba jrong eh.

1 PETROS 2:20

Naba ka nong aïu ka don lada phi ïaishah ïa ki jingshah sympat ba phi dei hok haba phi la leh ïa kaba bakla? Hynrei lada phi ïaishah ïa ka jingshahshitom wat haba phi la leh ïa kaba dei, U Blei un kyrkhu ïa phi na ka bynta kata.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.