Ka Shithi U Paul Sha Ki Nong Rom 1:23 - Khasi CL Bible (BSI)

²³ ha ka jaka ba kin mane ïa U Blei uba im, ki mane ïa ki dur ba la thaw ban i kum u briew ne ki sim ne ki mrad ne ki mrad bapar kiba ïap noh.

KA BAIBL

²³ bad ki la ïapli ïa ka burom ka jong U Blei u bympyut bad iba kum i dur i jong u briew bapyut, bad i jong ki sim, bad i jong ki mrad ba saw kjat, bad i jong kiei kiei ruh ki bapar de.

Ka Shithi U Paul Sha Ki Nong Rom 1:23 Mawu Ofanana

SALM 106:20

ki la ïakylliang noh ïa ka burom jong U Blei bad ka dur jong u mrad uba bam phlang.

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

ISAÏAH 44:13

U misteri u thew ïa ka dieng, u buh dak ïa ka dur da u mawthoh, u ohdur ïa ka da ki tiar jong u, bad u pynlong ïa ka ha ka dur u briew, ka durbriew ba-itynnat, ban buh ha ka ïing jong u.

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

ESEKIEL 8:10

Kumta nga la rung shapoh bad nga khmih. Ïa ka kynroh la tap da ki jingdro ïa ki dur bseiñ, bad ïa kiwei pat ki mrad bymkhuid, bad ïa kiwei pat kiei kiei kiba ki Israel ki ïamane.

KI KAM 10:12

Ha ka, la don baroh ki jait mrad, ki kynja bapar bad ki sim khlaw.

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.

1 KORINTH 12:2

Phi tip ba mynba phi dang long kiba mane bleithaw, la ïalam sakma ïa phi ha ki rukom kiba bun sha ki jingmane ïa ki bleithaw ki bym don jingim.

DEUTERONOMI 5:8

“ ‘Wat thaw durblei ïa lade, lane ïa kaei kaei kaba don ha bneng shajrong, lane ha ka khyndew sha tbian, lane ha ka um hapoh ka khyndew.

1 PETROS 4:3

Phi la pynlut shibun ka por kaba la leit noh da kaba leh ïa kaei kaba ki bymngeit ki kwah ban leh. Ïa ka jingim jong phi la pynlut ha kaba im awria, jingkwah brai, jingdih buaid, jingleh jakhlia, ki jingïaleh-sngewbha buaid, bad ha ka jingmane ba-ijli ïa ki bleithaw.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.