PROBERB 8:23 - Khasi CL Bible (BSI)

²³ Ïa nga la thaw ha kaba sdang eh, ha kaba nyngkong, shuwa ba ka pyrthei kan sdang.

KA BAIBL

²³ La pynïeng ïa nga naduh bymjukut, naduh ka jingsdang, ha bym pat la long ka khyndew.

PROBERB 8:23 Mawu Ofanana

JENESIS 1:26

Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.”

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

PROBERB 4:7

Kaba ïoh ïa ka jingstad ka long kaei kaei kaba donkam tam ba phi dei ban leh. Nalor kaei kaei baroh kaba phi ïoh, to ïoh ruh ïa ka jingshemphang.

MIKAH 5:1

Ko ki briew ka Jerusalem, lumlang ïa la u paid! Ngi lah shah kerkut! Ki ïatur ïaleh ïa u nongïalam ki Israel!

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

ÏOANNIS 1:1

Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 17:5

Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.