PROBERB 8:18 - Khasi CL Bible (BSI)

¹⁸ Nga don ka spah bad ka burom ban ai, ka jingdap kyrhai bad ka jingjop.

KA BAIBL

¹⁸ Ki spah bad ka burom ki don bad nga; ki spah kiba ïaineh keiñ bad ka hok.

PROBERB 8:18 Mawu Ofanana

SALM 112:3

Ka longïing jong u kan long kaba don ba em bad kaba riewspah; bad un roi kyrhai junom.

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 24:4

Hangno ba ka don ka jingtip, ïa ki kamra la pyndap pynbiang da ki jingbuh jingsat kiba kordor bad kiba itynnat.

PROBERB 3:16

Ka jingstad ka pynjlan ïa ka rta jong phi kumjuh ruh ka pynïoh ïa ka spah bad ka burom.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

PHILIPPI 4:19

Bad da baroh ka spah bakyrhai jong u lyngba U Khrist Jisu, U Blei jong nga un pyndap ïa ka jingdonkam jong phi baroh.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.