PROBERB 6:15 - Khasi CL Bible (BSI)

¹⁵ Namar kane, ka jingjynjar kan ngat kyndit ha ki khlem jingmaham, bad kin mynsaw jur khlem khie khlieh shuh.

KA BAIBL

¹⁵ Namar kata, ka jingjynjar jong u kan wan kyndit; ha kaba kyndit yn pynlwet ïa u, bad kata bymdon jingshna shuh.

PROBERB 6:15 Mawu Ofanana

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 55:15

To ai ba ki nongshun jong nga kin ïap ha shuwa ka por jong ki; to ai ba kin hiar im sha ka pyrthei kiba ïap! Ka jingbymman ka don ha ki ïing jong ki bad ha ki dohnud jong ki.

PROBERB 1:26

Kumta ynda phi shah jynjar, ngan sa ïoh rkhie ïa phi. Ngan sa rkhiebeiñ ïa phi ynda phi hap ha ka jingsheptieng —

PROBERB 1:27

haba ka wan ha phi kum ka 'erïong, bad ka pynjynjar ïa phi kum ka 'erlangthari, bad haba phi don ha ka jingpang bad ka jinglanot.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

PROBERB 24:22

kum kita ki briew kin shah pynjot ha ka shikhyllipmat. Hato phi sngewthuh ba ka jingjot kaba kumno kan lah ban jia na U Blei ne na u syiem?

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

PROBERB 6:16

Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

JEREMAÏAH 19:11

bad ban ïathuh ïa ki ba U Trai Badonbor Baroh u la lah ong, “Ngan pynpait ïa kane ka jaitbynriew bad ïa kane ka nongbah, bad kan long kum une u khra khyndew ba la pait u bym lah ban pyndait pat. Ki briew kin tep ïa kiba ïap jong ki ha Topheth namar yn ym don hangno hangno hawei pat ban tep ïa ki.

ESEKIEL 11:13

Katba nga dang ïathuhlypa, u Pelataïah u la kyllon ïap. Nga la rynsied pyllup ïa lade ha khyndew bad pyrta jam, “Em, ko Trai Nongsynshar! Hato men pynïap ïa uwei uwei baroh ba dang sah ha Israel?”

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.