PROBERB 4:19 - Khasi CL Bible (BSI)

¹⁹ Ka lynti ki riewsniew ka long kaba dum tliw tliw kum ka miet. Ki kyllon, hynrei kim ïohi ha-ei ki jynthut.

KA BAIBL

¹⁹ Ka lynti ki bymman ka long kum ka jingdum: kim tip ha-ei ki ïajynthut.

PROBERB 4:19 Mawu Ofanana

Ka Kitab U Job 12:25

ki tare ha ka jingdum bad ïaid sheng sheng kum ki nongbuaid.

Ka Kitab U Job 18:18

Yn sa beh noh ïa u na ka ri jong kiba im, yn sa beh noh na ka jingshai sha ka jingdum.

SALM 82:5

“A katno phi long kiba duna ka jingshemphang! A katno kiba mutlop! Phi long kiba bamsap bha, ka jingbishar hok ka la jah na ka pyrthei.

PROBERB 2:13

ki briew kiba iehnoh ïa ka jingim hok ban im ha ka jingdum ka pop,

PROBERB 22:5

Lada phi ieit ïa la ka jingim, phet krad na ki jingriam kaba pynngat ïa u bymman ha ka lynti ïaid.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 23:12

Ki lynti ïaid ba ki bud kin long kiba btuit bad kiba dum; ngan pynlong ïa ki ba kin jynthut bad kin kyllon. Ngan wallam ka jingpynjot ha ki; ka por ka jingpynshitom ïa ki ka la nang wan, ma nga, U Trai, nga la kren.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 7:23

Nangta ngan ong ha ki, ‘Ngam ju la ithuh ïa phi. Khie leit noh na nga, phi ki briew bymman!’

ÏOANNIS 11:10

Hynrei lada u ïaid ha ka por mynmiet u jynthut, namar um don ka jingshai.”

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.