PROBERB 3:9 - Khasi CL Bible (BSI)

⁹ To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

KA BAIBL

⁹ To burom ïa U Trai da la ka spah, bad da ki soh nyngkong ka jingmih jong me baroh:

PROBERB 3:9 Mawu Ofanana

JENESIS 28:22

Une u maw buh jingkynmaw ïa uba nga la thung un long ka jaka ha kaba ïa me yn mane, bad ngan ai sha me ïa kaba shiphew na kiei kiei baroh kiba me ai ïa nga.”

2 KHRONIKL 31:10

bad u Asaraïah u Rangbah Lyngdoh, uba hiarpateng na u Sadok, u ong ha u, “Naduh ba ki briew ki sdang ban wanrah ïa ki jingai jong ki sha ka Templ, kaba la don, ka la biang ban bam bad kaba sah tam ka long kaba bun. Ngi don ïa kane baroh namar U Trai u la kyrkhu ïa ki briew jong u.”

2 KHRONIKL 31:21

U la long uba jop, namar baroh kaba u la leh na ka bynta ka Templ lane ha kaba sumar ïa ka Hukum, u la leh ha ka mynsiem kaba ïaineh tylli bad aiti lut ha U Blei jong u.

SALM 144:13

To ai ba ki thiar jong ngi kin long kiba dap da ki jingbam babun jait. To ai ba ki langbrot jong ki madan phlang jong ngi kin punkhun da ki phew hajar.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 23:16

“Rakhe ïa ka Jingkhawai Niam Ka Jingot haba phi sdang ban ot. “Rakhe ïa ka Jingkhawai Niam Ki Ïingtrep ha ka por synrai, haba phi kheit ïa u soh na ki brisoh jong phi.

EKSODOS 23:19

“Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

EKSODOS 34:26

“Man la ka snem wallam ïa ki soh ba phi la lum nyngkong na ka jingot sha ka ïing U Trai U Blei jong phi. “Wat ju shet ïa u khunlangbrot ne khunblang ha ka dud ka kmie jong u.”

PROBERB 11:25

Long kiba sbun, bad phin manbha. Ïarap ïa kiwei, bad yn ïarap ïa phi.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

ISAÏAH 43:23

Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.

LEBITIKOS 19:25

Hynrei ha ka snem kaba san phi lah ban bam ïa u soh. Lada phi leh ïa kane baroh, ki diengsoh jong phi kin seisoh kham bun. Nga long U Trai U Blei jong phi.

JINGKHEIÑ 15:20

Haba phi shet kpu, ïa uta uba phi shet nyngkong na u kew thymmai dei ban wanrah kum ka jingai kaba kyrpang sha U Trai. Ïa une dei ban wanrah kumjuh kumba phi wanrah jingainguh kyrpang na u kew ba phi shoh.

MATHAÏOS 25:17

Ha kajuh ka rukom u shakri uba la ïohpdiang ar hajar tylli ki sbai u la ïohnong sa ar hajar.

1 KORINTH 16:2

Man la ka Sngi U Trai, uwei pa uwei na phi u dei ban buh kyrpang katto katne ka pisa, kat kum ka jingïoh, bad pynlang ïa ka, khnang ba yn ym da donkam ban lum ïa ka pisa ynda nga poi.

DEUTERONOMI 14:29

Kane ka jingbam ka long na ka bynta ki Lebi, namar kim don bri don khyndew, bad na ka bynta ki nongwei, ki khunswet, bad ki riewkynthei kiba shong ha ki shnong jong phi. Kin ïawan bad kin ïoh kat ïa kaba ki donkam. Leh kumta, bad U Trai U Blei jong phi un kyrkhu ïa phi ha ki kam jong phi baroh.