PROBERB 3:34 - Khasi CL Bible (BSI)

³⁴ Um donkam ïa kiba sarong, hynrei u lehsbun ïa kito kiba sngewrit.

KA BAIBL

³⁴ Shisha un rkhiebeiñ ïa kiba rkhiebeiñ, hynrei, u ai ka jingaiei ïa kiba sngewrit.

PROBERB 3:34 Mawu Ofanana

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 18:26

Me long uba khuid ha kito kiba khuid, hynrei me kyntait ïa kito kiba long bymman.

PROBERB 1:26

Kumta ynda phi shah jynjar, ngan sa ïoh rkhie ïa phi. Ngan sa rkhiebeiñ ïa phi ynda phi hap ha ka jingsheptieng —

PROBERB 14:9

Ki briew kiba bieit kim suidñiew lada ki leh pop, hynrei ki briew kiba beit ki kwah ban ïohmap.

PROBERB 16:19

Ka kham bha ban long uba sngewrit bad sah duk ban ïa kaba long uba meng bad ïoh bynta na ka jinglute jong ki.

PROBERB 19:29

U bieit uba sngewmeng u thikna ban ïoh ïa ka jingshah sympat.

PROBERB 21:24

Pyni ha nga ïa u briew uba sarong bad ngan pyn-i ha phi ïa u briew uba hangamei, uba sarong bad u bym ju kheiñ briew.

PROBERB 9:12

Dei ma phi ban ïoh ïa ka jingmyntoi, lada phi don ka jingstad, bad lada phi kyntait ïa ka, phi hi phin shem jynjar.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”