PROBERB 3:24 - Khasi CL Bible (BSI)

²⁴ Phin ym sheptieng haba phi thiah, bad phin ïohthiah suk baroh shi miet.

KA BAIBL

²⁴ Haba me thiah, men ym sheptieng: men thiah ruh, bad ka jingïohthiah jong me kan long kaba bang.

PROBERB 3:24 Mawu Ofanana

2 KHRONIKL 20:30

Kumta u Jehoshaphat u synshar ha ka jingsuk, bad U Blei u ai ha u ka jingshongshngain ha ki liang baroh.

Ka Kitab U Job 11:19

Men ym sheptieng ïa ki nongshun jong me; kiba bun ki briew kin kyrpad jingïarap na me.

SALM 112:8

Um khuslai lane sheptieng; u thikna ban ïohi ba ki nongshun jong u ki shahjop.

SALM 127:2

Ka long lehnoh-ei ban trei shitom katta katta na ka bynta ka jingim, ban khie dang step bad ban thiah miet. Naba U Trai u pyndap ïa kita kiba u ieit; katba ki dang ïohthiah.

SALM 3:5

Nga dem bad nga thiah, bad baroh shi miet U Trai u da ïa nga.

SALM 3:6

Ngam sheptieng ïa ki hajar ki nongshun kiba ker sawdong ïa nga na ki liang baroh.

SALM 4:8

Haba nga dem, nga leit thiah ha ka jingsuk; tang ma me hi, A Trai, me sumar janai ïa nga.

SALM 91:5

Men ym sheptieng na ki jingma mynmiet ne na ki jingtur ïaleh ha ka por mynsngi,

PROBERB 1:33

Hynrei jar uba shahshkor ïa nga un shongsuk kynjai. Un lait na ki jingma khlem sheptieng ïa kaba sniew.”

PROBERB 19:23

Kohnguh ïa U Trai bad phin ïoh im slem, uba sngewhun bad uba shongshngain na ka jingma.

PROBERB 6:22

Ki jinghikai jong ki kin ïalam ïa phi haba phi leit jingleit, kin ïada ïa phi mynmiet, bad kin sneng ïa phi ha ka por mynsngi.

EKLESIASTIS 5:12

Ki nongtrei ki lah ne kim lah ban don kat ban biang ban bam, hynrei la kumno kumno ki ïoh ka jingïohthiah kaba bang. Pynban, kiba riewspah, ki don bun haduh katta katta ha kaba kim ïohthiah namar ka jingkhuslai.

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

JEREMAÏAH 31:26

Kumta te, ki briew kin ong, ‘Nga la leit thiah bad nga la kyndit ha ka jingthymmai bor.’

ESEKIEL 34:15

Nga hi da lade ngan long u nongaplangbrot ïa ki langbrot jong nga, bad ngan wad ka jaka shongthait ïa ki. Ma nga, U Trai Nongsynshar, nga la kren.

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

LEBITIKOS 26:6

“Ngan ai ïa ka jingsuk ha ka ri jong phi, bad phin thiah phin dem khlem tieng ïano ïano. Ngan ym shah ban don ki mradkhlaw kiba runar ha kata ka ri, bad ka thma kan ym don shuh hangta.

KI KAM 12:6

Ha ka miet shuwa ba u Herod un wallam ïa u sha u paidbah, u Petros u dang ïohthiah hapdeng ar ngut ki nongap phira. La teh ïa u da ar tylli ki kynjri, bad la don ki nongap phira kiba ap ha ka khyrdop jong ka byndi.