PROBERB 29:3 - Khasi CL Bible (BSI)

³ Lada phi ïaroh ïa ka jingstad, u kpa jong phi un sngewsarong ïa phi. Ka long ka jingpynlehnoh-ei ba-bieit ban pynlut pisa ha ki nuti.

KA BAIBL

³ Jar uba ieit ïa ka jingstad u pynkmen ïa la u kpa: hynrei, uta uba shait ïalok bad ki nuti un pynsyrwa ïa la ka spah.

PROBERB 29:3 Mawu Ofanana

PROBERB 10:1

Kine ki long ki proberb u Solomon: U khun uba stad u pynsngew sarong ïa la u jong u kpa; uba bieit u wallam ka jingsngewsih ïa la ka kmie.

PROBERB 15:20

Ki khun kiba stad ki pynlong ïa ki kpa jong ki ban kmen. Tang kiba bieit ki ñiewbeiñ ïa la ki kmie.

PROBERB 21:17

Kaba byrngia ha ki jingim pahuh, ka waiñ bad ka jingbam lutphut kin ym pynlong ïa phi uba riewspah.

PROBERB 21:20

Ki briew kiba stad ki shong ha ka spah bad ka jingim pahuh hynrei ki briew kiba bieit ki pynlut noh ïa ka pisa tang shu ïoh ïa ka.

PROBERB 23:15

Ko khun, lada phi long uba stad, ngan sngewkmen shikatdei eh.

PROBERB 27:11

Ko khun jong nga, to long uba stad, bad ngan long uba kmen; ngan don ka jubab ïa uno uno uba kem daw ïa nga.

PROBERB 28:19

U nongrep uba trei shitom u don kyrhai ban bam. Ki briew kiba pynsyrwa ïa la ka por kin duk lynter.

PROBERB 28:7

U samla uba kohnguh ïa ka aiñ u dei uba stad. Uta uba ïalong paralok bad ki bymlarkam ei ei u pynjahburom ïa la u kpa.

PROBERB 6:26

U briew u lah ban ïoh ïa ka nuti ha ka dor shi lyngkhot u kpu, hynrei ka jingklim kan shim syndon ïa baroh kaba u don.

LOUKAS 15:13

Hadien khyndiat sngi, u khun ba kham rit u la die ïa ka bynta jong ka jingdon jingem jong u bad u la mihnoh na ïing lem bad ka pisa. U la leit sha ka ri kaba jngai, ha kaba u la pynsyrwa ei ïa ka pisa jong u ha ka jingim ba-thurmur.

LOUKAS 15:30

Hynrei une u khun jong phi u la pynsyrwa ei ïa ka jingdon jingem jong phi ha ki nuti, bad haba u wan phai pat sha ïing, phi pynïap na ka bynta jong u ïa u khun masi uba la pynsngaid!’