PROBERB 24:7 - Khasi CL Bible (BSI)

⁷ Ki jingkren kiba stad ki long kiba jylliew katta katta ïa u briew uba bieit ban sngewthuh. Um don ei ei ban kren haba ïa ki kam badonkam la ïatainia.

KA BAIBL

⁷ Ka jingstad ka jrong eh ïa u babieit: um ju ang ïa la ka shyntur ha ka khyrdop.

PROBERB 24:7 Mawu Ofanana

Ka Kitab U Job 31:21

Lada nga la kum shukor ïa u khunswet, da kaba tip ba ngan ksan ha khmat ka ïingbishar,

Ka Kitab U Job 5:4

Ki khun jong ki da lei lei kin ym shem jingshngain; ym don u ban ïeng ban ïada ïa ki ha ïingbishar.

SALM 10:5

U riewbymman u jop ha kiei kiei baroh. Um lah ban sngewthuh ïa ki jingbishar U Blei; u rkhiebeiñ ïa ki nongshun jong u.

SALM 127:5

Suk uta u briew uba don shibun kum kita ki khnam. Un ym shah rem haba u ïakynduh bad ki nongshun jong u ha ka jaka jong ka jingbishar.

PROBERB 14:6

Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 15:24

Ki briew kiba stad ki ïaid ha ka lynti kaba ïalam artet sha ka jingim, ym ïa ka lynti kaba ïalam arsut sha ka jingïap.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

PROBERB 17:24

U briew uba shemphang u thew ban leh ïa ka kam bastad, hynrei uba bieit u sdang shisien sdang na ki liang baroh.

PROBERB 17:7

Ki briew kiba donburom kim ju kren ïa kaba lamler, bad kiba bieit kim don ei ei kaba dondor ban ong.

PROBERB 22:22

Wat shim kabu ïa kiba duk tang namar ba phi lah; wat shim kabu ïa kito kiba ïeng khlem jingïarap ha ka ïingbishar.

PROBERB 28:5

Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

PROBERB 31:23

U tnga jong ka u long uba la ithuh bha, bad u long uwei na ki nongshong shnong uba pawkhmat.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

AMOS 5:10

Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.