PROBERB 23:17 - Khasi CL Bible (BSI)

¹⁷ Wat sngewbishni ïa ki briew kiba leh pop, ai ba ka jingtiengburom ïa U Trai kan long ha khmat ka jingim jong phi.

KA BAIBL

¹⁷ Wat ai ba ka dohnud jong me kan bishni ïa ki nongpop: hynrei, me to long ha ka jingsheptieng ïa U Trai baroh shi sngi:

PROBERB 23:17 Mawu Ofanana

SALM 111:10

Ka lynti ban long uba stad ka long ban pyndonburom ïa U Trai; u ai ka jingbishar kaba beit ïa baroh kiba kohnguh ïa ki hukum jong u. U long uba dei ban ïaroh junom.

PROBERB 15:16

Ka kham bha ban long kiba duk bad ba sheptieng ïa U Trai ban ïa kaba long kiba riewspah bad shah jynjar.

PROBERB 24:1

Wat bishni ïa ki riewsniew, bad wat pyrshang ban ïalang paralok bad ki.

PROBERB 24:19

Wat ai ba ki briew basniew kin pynkhuslai ïa phi; wat bishni ïa ki.

PROBERB 24:21

Ko khun, tiengburom ïa U Trai bad burom ïa u syiem. Wat leh ei ei bad ki briew kiba ïeng ïaleh pyrshah ïa ki;

PROBERB 28:14

Kohnguh borabor ïa U Trai bad phin long kiba suk. Lada phi long kiba eh dohnud, phin hap ha ka jingjot.

PROBERB 3:31

Wat ju kwah ban long kum ki briew ba leh jubor lane pyrshang ban leh ïa kaba ki leh,

EKLESIASTIS 5:6

Wat ai ba ki kyntien jong phi kin ïalam ïa phi sha ka pop, ba kumta phi hap ban ïathuh ïa u lyngdoh jong U Blei ba phim shym mut shisha. Balei ban pynlong ïa U Blei ban bitar ïa phi? Balei yn shah ïa u ban pynjot thiaw ïa kaei kaba phi la trei?

EKLESIASTIS 5:7

Kam pher haduh katno phi phohsniew, haduh katno phi trei ïa ka kam bymmyntoi, lane haduh katno phi kren, phi dei ban ïeng ha ka jingtiengburom ïa U Blei.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.