PROBERB 22:6 - Khasi CL Bible (BSI)

⁶ Hikai ïa u khynnah kumno u dei ban im, bad un kynmaw ïa ka baroh shi rta ka jingim jong u.

KA BAIBL

⁶ To hikai ïa u khynnah ha ka lynti ba u dei ban leit, te un ym kynriah na ka wat haba u la tymmen.

PROBERB 22:6 Mawu Ofanana

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

EPHESOS 6:4

Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

DEUTERONOMI 11:19

Hikai ïa ki ha ki khun ki kti jong phi. Ïalap shaphang jong ki haba phi don ha ïing bad haba phi ïaid ha lynti, haba phi shongthait bad haba phi trei phi ktah.

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

DEUTERONOMI 6:7

Hikai ïa ki ha ki khun ki kti jong phi. Ïai pynkynmaw ïa ki haba phi don ha ïing bad haba phi ïaid ha lynti, haba phi shongthait bad haba phi trei phi ktah.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

NONGBISHAR 13:12

Nangta u Manoah u kylli, “Ynda la wan urlong ki ktien jong phi, uta u khynnah u dei ban leh aïu? Ka jingim kaba kumno u dei ban im?”

1 SAMUEL 1:28

Namarkata, nga aiti noh ïa u ha U Trai. Katba u dang im, un long u jong U Trai.” Te ki ïanguh ïadem ïa U Trai hangta.

1 SAMUEL 2:26

Uta u khynnah Samuel, u nang san bad u nang shem ïa ka jingsngewbha na U Trai bad na ki briew.