PROBERB 2:22 - Khasi CL Bible (BSI)

²² Hynrei U Blei un beh noh ïa ki riewbymman na ka ri, bad rat dyngkhong ïa ki nongpop na ka kum ïa ki jingthung na ka khyndew.

KA BAIBL

²² Hynrei, ïa ki bymman yn ot noh na ka ri, bad ïa kita kiba leh shukor yn rat noh na ka.

PROBERB 2:22 Mawu Ofanana

1 SYIEM 14:14

U Trai un buh ïa u syiem halor ki Israel u ban pynduh syndon ïa ka longïing syiem jong u Jeroboam.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

Ka Kitab U Job 21:30

Ha ka sngi ba U Blei u bitar bad u pynshitom, dei u briew uba sniew uba ju lait borabor.

SALM 104:35

Ai ba yn pynjot ïa ki nongpop na ka pyrthei; ai ba ki bymman kin duh shuh. Ïaroh ïa U Trai, ko mynsiem jong nga! Ïaroh ïa U Trai!

SALM 145:20

U ïada ïa kito baroh kiba ieit ïa u, hynrei un pynjot ïa ki bymman.

SALM 37:20

Hynrei ki bymman ki ïap duh; ki nongshun U Trai kin jah noh kum ki syntiew khlaw, ki shu jah noh kum ka tdem.

SALM 37:22

Kito kiba la kyrkhu da U Trai kin ïohkynti ïa ka ri, hynrei kito kiba la tim da u kin shah beh noh.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

SALM 52:7

“Ha Khmih, hangne don u briew u bym shym shaniah ha U Blei na ka bynta ka jingshngain, hynrei u shaniah pynban ha ka jingkynrei ka spah jong u bad u wad ïa ka jingïada ha ka jingbymman.”

PROBERB 10:30

Ki briew kiba hok ki ïoh ka jingsngewskhem borabor, hynrei ki bymman kin ym lah ban im ha ka ri.

PROBERB 11:3

Lada phi long kiba beit, la ïalam ïa phi da ka jinglonghok. Ïa ki briew kiba ym lah ban shaniah la pynjot da ka jingbymhok jong ki hi.

DEUTERONOMI 29:20

U Trai un ym map kum ïa uta u briew. Hynrei ka jingbitar shla jong u kan meh lep pyrshah ïa u, bad ki jingjynjar baroh ïa kiba la thoh ha kane ka kitab kin ngat ha u haduh ba U Trai un da pynjot thiaw ïa u.

DEUTERONOMI 29:28

U Trai u la bitar shla, bad ha kata ka jingbitar, u rat dyngkhong ïa ki na ka ri jong ki bad u bret ïa ki sha ka ri nongwei, bad hangta ki dang don haduh mynta.’

DEUTERONOMI 7:22

Suki pa suki un beh krad ïa kine ki jaitbynriew katba phi nang tur sha khmat. Phin ym lah ban pynduh lut ïa ki shisyndon, namar, lada phi leh kumta, ki mradkhlaw kin jyllei palat bad kin long ka jingma pynban ïa phi.