PROBERB 15:28 - Khasi CL Bible (BSI)

²⁸ Ki briew kiba bha ki pyrkhat ha shuwa ban jubab. Ki briew kiba sniew ki kloi ban jubab, hynrei ka wallam jingeh.

KA BAIBL

²⁸ Ka dohnud u bahok ka pyrkhat ïa ka ban phai ktien: hynrei, ka shyntur jong u bymman ka shu theh noh ïa kiei kiei ki basniew.

PROBERB 15:28 Mawu Ofanana

SALM 59:7

To shahshkor ïa ki jingkrenbeiñ bad ki jingbyrngem jong ki. Ki thylliej jong ki, ki long kum ki waitlam ha ki shyntur jong ki, pynban ki pyrkhat ba ym don ba ïohsngew ïa ki.

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 10:32

Ki briew kiba hok ki tip ïa kaei kaba ki dei ban kren, hynrei kiba bymman borabor ki kren ïa kiei kiei kiba pynmong.

PROBERB 13:16

Ki briew kiba sian, borabor ki pyrkhat ha shuwa ban leh ïa kano kano, hynrei ki briew kiba mutlop ki thad ïa la ka jingbieit.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 16:23

Ki briew kiba shemphang ki da pyrkhat ha shuwa ban kren; ki lah ban pynkohnguh da kaei kaba ki ong.

PROBERB 29:11

Ki briew kiba bieit ki pynpaw ïa la ka jingbitar ha kaba paw, hynrei ki briew kiba shemphang ki ïaishah bad ki set khop ïa ka.

PROBERB 29:20

Don katto katne ka jingkyrmen ïa u bieit uba mutlop ban ïa uno uno uba kren khlem pyrkhat.

EKLESIASTIS 5:2

Da pyrkhat shuwa ba phin kren, bad wat pynlong kino kino ki jingkular kyrkieh ha U Blei. U don ha bneng bad ma phi ha khyndew, kumta wat ong ei ei palat ban ïa kaba phi dei ban ong.

EKLESIASTIS 5:6

Wat ai ba ki kyntien jong phi kin ïalam ïa phi sha ka pop, ba kumta phi hap ban ïathuh ïa u lyngdoh jong U Blei ba phim shym mut shisha. Balei ban pynlong ïa U Blei ban bitar ïa phi? Balei yn shah ïa u ban pynjot thiaw ïa kaei kaba phi la trei?

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.