PROBERB 14:17 - Khasi CL Bible (BSI)

¹⁷ Ki briew kiba shit khlieh ki leh ïa ki kam bieit; ki briew kiba stad ki long jai jai.

KA BAIBL

¹⁷ Uta uba bitar shen, un leh bieit: bad ïa u briew u basniew ki jingpyrkhat, la isih.

PROBERB 14:17 Mawu Ofanana

2 SYIEM 5:12

Nalor kata, hato ki wah Abana bad Pharpar kiba ha Damaskos kim kham bha ban ïa kano kano ka wah ha Israel? nga lah ban sum ha ki bad ban ïohkhiah!”

ESTHER 3:6

bad haba u tip ba u Mordekai u dei u Jiw, u la rai ban pynshitom ym tang ïa u Mordekai marwei. U la don ka jingthmu ban pynïap ïa baroh ki Jiw ha ka hima Persia baroh kawei.

PROBERB 12:16

Haba uba bieit u phoi, u pynpaw kumne kumne ba yn tip. Ki briew kiba sian kim patiaw ïa ka jingshah krenbeiñ.

PROBERB 12:2

U Trai u sngewbha ïa ki briew kiba bha, hynrei u pynrem ïa kito kiba thmu sniew.

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 14:18

Ki briew kiba duna ka jingtip ki ïoh ïa kaei kaba ka jingbieit jong ki ka dei ban ïoh, hynrei ha kiba sian la ainong da ka jingtip.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 15:18

Kaba shit khlieh ka thaw ki jingïania, hynrei ka jingïaishah ka wallam ïa ka jingsuk.

PROBERB 16:32

Ka long kaba kham bha ban ïaishah ban ïa kaba long uba donbor. Ka kham bha ban don ka bor halor lade ban halor ki nongbah baroh.

PROBERB 20:3

Uno uno uba bieit u lah ban sdang ïa ki jingïania; kaba donburom ka long ban kiar na kine.

PROBERB 22:24

Wat ïalong paralok bad ki briew kiba domriang, kiba khong khong.

PROBERB 29:22

Ki briew kiba kloi ban bitar ki pynlong shibun ki jingïakajia bad ki jingkulmar.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

ISAÏAH 32:7

U briew uba mutlop u long uba sniew bad u leh ïa ki kam kiba sniew; u ïasylla ban pynsniew ïa kiba duk da ki jingshukor bad ban khanglad ïa ki ban ïoh ïa ki hok jong ki.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.