PROBERB 13:7 - Khasi CL Bible (BSI)

⁷ Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

KA BAIBL

⁷ Don kiba leh riewspah ïa lade, hynrei, kim don ei ei: don kiba leh duk ïa lade, hynrei, ki don ka spah kaba khraw.

PROBERB 13:7 Mawu Ofanana

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

PROBERB 12:9

Ka long kaba kham bha ban long u riewmadan uba trei ban ïoh bam ban kaba leh mynleh kum uba khraw hynrei bad ka shahthngan.

PROBERB 13:11

Ka jingïoh ïa ka spah da kaba suk eh, ka jinglut noh jong ka ruh ka long kaba kloi eh. Kaba kham eh ban ïoh ïa ka, kaba kham roi ruh ka jingïoh ïa ka.

PROBERB 13:8

Kiba riewspah ki hap ban pyndonkam ïa la ka pisa ban pyllait ïa la ka jingim, hynrei ym don ba byrngem ïa uba duk.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

1 KORINTH 4:8

Hato phi la don lypa ïa kaei kaei baroh kaba phi donkam? Hato phi la riewspah lypa? Hato phi la long ki syiem, wat la ngi ngim long? A, nga da kwah ba phin da long shisha ki syiem, khnang ba ngin ïoh long ki syiem lem bad phi.

2 KORINTH 4:7

Pynban ma ngi kiba don ïa kane ka jingkynshew kaba kynja mynsiem ngi long kum ki khiew khyndew, khnang ban pyn-i ba ka bor kaba halor tam ka long ka jong U Blei, ym ka jong ngi.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

2 PETROS 2:19

Ki kular ha ki ïa ka jinglaitluid katba ma ki, ki long ki mraw jong ki jingmlien bapynjot — naba u briew u long u mraw ha kano kano kaba la jop ïa u.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.