PROBERB 13:11 - Khasi CL Bible (BSI)

¹¹ Ka jingïoh ïa ka spah da kaba suk eh, ka jinglut noh jong ka ruh ka long kaba kloi eh. Kaba kham eh ban ïoh ïa ka, kaba kham roi ruh ka jingïoh ïa ka.

KA BAIBL

¹¹ Ïa ka spah ba la ïoh da ka jingthala, yn pynduna: hynrei, uta uba lum da ka jingtrei minot, un ïoh ka jingroi.

PROBERB 13:11 Mawu Ofanana

Ka Kitab U Job 20:15

U briew uba sniew u prie noh ïa ka spah ba u la tuh; U Blei u shim pat ïa ka, wat na ka kpoh jong u.

SALM 128:2

Ka jingtrei jong phi kan pyndap ïa ki jingdonkam jong phi phin long uba suk bad phin manbha.

PROBERB 10:2

Ka spah kaba phi ïoh da ka bymhok kam pynmyntoi ei ei, hynrei ka jinglonghok ka pyllait ïa ka jingim jong phi.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

PROBERB 13:12

Haba shah khñiot ka jingkyrmen, ka dohnud ruh ka shah khñiot, hynrei ka jingurlong jong ka jingkhmih lynti ka pyndap ïa phi da ka jingkmen.

PROBERB 20:21

Kaba ïoh ïa ka spah da kaba suk eh, tang khyndiat eh kan pynbha ïa phi.

PROBERB 21:6

Ka spah ba phi ïoh da ka jingbymhok shen kan jah noh; hynrei ym ha shuwa ba kan ïalam ïa phi sha ki tyngam jong ka jingïap.

PROBERB 28:20

Ki briew kiba lehhok kin ïoh ka jingim kaba kyrhai bad kaba suk. Hynrei lada phi long kyrkieh ban riewspah, phin ym lait na kaba shah pynshitom.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

EKLESIASTIS 5:14

bad nangta ki duh lut ïa ka ha ki katto katne ki jingïakhaïi basniew bad ki kut ha ka jingbymdon ei ei shuh ban ai pateng ha la ki khun ki kti.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.