PROBERB 12:24 - Khasi CL Bible (BSI)

²⁴ Ka jingtrei shitom kan ai bor ïa phi; kaba leh jaipdeh kan pynlong mraw ïa phi.

KA BAIBL

²⁴ Ka kti jong uba minot kan synshar: hynrei, ïa uba jaipdeh yn buh ha ka kam kaba shitom.

PROBERB 12:24 Mawu Ofanana

JENESIS 49:15

Hynrei u ïohi ba ka jaka shongthait ka long kaba bha, Bad ba ka khyndew ka long kaba itynnat. Kumta u pyndem la ka met ban kit ïa ka jingkit, Bad la pynbor ban trei kum u mraw.

1 SYIEM 11:28

U Jeroboam u long u samla uba dap shynrang, bad haba u Solomon u ïohi katno ba u long uba trei shitom, u buh ïa u ban pynïaid ïa ki nongtrei ba shu pynbor ha ka thain jong ki jait Manasseh bad Ephraim.

1 SYIEM 12:20

Haba ki paid Israel ki ïohsngew ba u Jeroboam u la wan phai na Ijipt, ki khot sngewbha ïa u sha ka jingïalang paidbah bad ki pynlong ïa u, u syiem ki Israel. Tang ka jait Judah kaba ïaisah ban ïaineh bad kiba hiarpateng na u Dabid.

PROBERB 10:4

Ka jinglong jaipdeh kan pynlong ïa phi ban kyrduh, hynrei ka jingtrei shitom kan pynriewspah ïa phi.

PROBERB 12:27

Lada phi long uba jaipdeh, phin ym ïoh da lei lei ïa kaei kaba phi kwah ban long hadien, hynrei lada phi trei minot, phin ïoh spah.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 17:2

U shakri uba sian un ïoh long khlieh halor u khun bymlarkam jong u kynrad bad ïohpdiang shi bynta na ka jingïohpateng.

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

PROBERB 22:13

U briew uba alhia u shong hapoh ïing; u ong ba u sing u lah ban ïoh ïa u lada u mih shabar.

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

NONGBISHAR 1:28

Haba ki Israel ki la khlaiñbor, ki la pynbor ïa ki Kanaan ban trei na ka bynta jong ki, hynrei kim shym la beh noh ïa ki baroh.