PROBERB 10:4 - Khasi CL Bible (BSI)

⁴ Ka jinglong jaipdeh kan pynlong ïa phi ban kyrduh, hynrei ka jingtrei shitom kan pynriewspah ïa phi.

KA BAIBL

⁴ U kylla duk uta uba trei da ka kti kaba alhia; hynrei, ka kti uba trei minot ka pynriewspah.

PROBERB 10:4 Mawu Ofanana

JENESIS 26:32

Ha kata hi ka sngi, ki shakri jong u Isaak ki la wan ïathuh ha u shaphang ka pukri kaba ki la ïatih. Ki ong, “Ngi la shem ïa ka um.”

PROBERB 10:5

U briew uba sngewthuh u lum ïa ki soh ha ka aïom kaba biang; ka long kaba jahburom ban thiah thai ha ka por ka aïom ot.

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

PROBERB 12:24

Ka jingtrei shitom kan ai bor ïa phi; kaba leh jaipdeh kan pynlong mraw ïa phi.

PROBERB 12:27

Lada phi long uba jaipdeh, phin ym ïoh da lei lei ïa kaei kaba phi kwah ban long hadien, hynrei lada phi trei minot, phin ïoh spah.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 18:9

U briew uba jaipdeh u long uba sniew kum uno uno uba pynjot.

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

PROBERB 19:24

Don ki briew kiba da jaipdeh wat ban tian jingbam ha la ki jong ki shyntur.

PROBERB 20:13

Lada phi pynlut ïa ka por ha kaba thiah, phin long uba duk. Ïai trei shitom bad phin ïoh kyrhai ka bam.

PROBERB 20:4

U nongrep uba jaipdeh palat ban lur ïa ki lyngkha jong u ha ka por kaba biang un ym ïoh ei ei ïa ka ban ot.

PROBERB 21:5

Da thmu bha bad phin ïoh kyrhai; lada phi leh kyrkieh palat phin nym dap biang.

EKLESIASTIS 10:18

Haba u briew u jaipdeh shaba palat ban shna pynbha ïa ka tnum ïing jong u, kan jaw um, bad ka ïing kan khyllem.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.