PROBERB 10:30 - Khasi CL Bible (BSI)

³⁰ Ki briew kiba hok ki ïoh ka jingsngewskhem borabor, hynrei ki bymman kin ym lah ban im ha ka ri.

KA BAIBL

³⁰ Ïa u bahok yn ym pynkhih lano lano ruh: hynrei, u bymman un ym ïoh shong ha ka ri.

PROBERB 10:30 Mawu Ofanana

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 112:6

U briew uba bha un ym bakla da lei lei; yn ïai kynmaw borabor ïa u.

SALM 125:1

Kito kiba shaniah ha U Trai ki long kum u lum Seïon, u bym lah ban pynkhynñiuh, u bym lah ban pynkhih.

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

SALM 16:8

Nga tip borabor ïa ka jingdon ryngkat jong U Trai; u don hajan, yn ym don kano kano kaba lah ban pynkhih ïa nga.

SALM 37:22

Kito kiba la kyrkhu da U Trai kin ïohkynti ïa ka ri, hynrei kito kiba la tim da u kin shah beh noh.

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

PROBERB 10:25

Ki 'erïong ki wan, bad ki bymman ki shah rong noh; hynrei ki briew kiba hok ki shngain borabor.

MATHAÏOS 21:41

“Da shisha un pynïap ïa kito ki briew kiba sniew,” ki la jubab, “bad un aiwai ïa ka bri sohwaiñ ha kiwei pat ki nongshimwai, ki ban ai ha u ïa ka bhah jong u na ka jingkheit ha ka por kaba biang.”