PHILIPPI 4:8 - Khasi CL Bible (BSI)

⁸ Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

KA BAIBL

⁸ Ha kaba wai noh, ko parabangeit, kiei kiei kiba shisha, kiei kiei kiba donburom, kiei kiei ki bahok, kiei kiei ki bakhuid, kiei kiei kiba itynnad, kiei kiei kiba dei ïaroh; lada don kano kano ka jingbha, bad lada don kano kano ka jingïaroh, to phin ïapyrkhat ïa kine kiei kiei ruh.

PHILIPPI 4:8 Mawu Ofanana

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

SALM 82:2

“Phi dei ban sangeh noh na kaba bishar bymhok phim dei shuh ban ïashah shiliang ïa ki bymman!

PROBERB 11:1

U Trai u isih ïa ki briew kiba pyndonkam da ki tarajur thok. U sngewbha ha ki jingthew kiba hok.

PROBERB 12:4

Ka tnga kaba bha ka long ka jingsarong bad jingkmen jong u tnga jong ka; hynrei ka tnga kaba pynlehrain ïa la u tnga ka long kum ka jingpang bampong ïa ki shyieng jong u.

PROBERB 16:11

U Trai u kwah ba ki tarajur bad ki mawthew ki dei ban long kiba beit bad baroh ka jingïadie ïathied kan long kaba hok.

PROBERB 20:7

Ki khun ki long kiba bha kupar lada ki don u kpa uba beit bad uba leh ïa kaei kaba dei.

PROBERB 31:10

A katno ka long kaba eh ban shem ïa ka tnga kaba lah! ka dor jong ka, ka kham kor shibun ban ïa ki mawkordor.

PROBERB 31:29

U da ong, “Shibun ki kynthei ki long ki tnga kiba bha, hynrei phi long kaba bha tam na ki baroh.”

PROBERB 31:31

Ai burom ïa ka ïa baroh kaba ka leh. Ka dei hok ban burom da baroh.

JINGRWAI SOLOMON 5:16

Ka shyntur jong u ka long kaba thiang ban doh; kiei kiei shaphang jong u ki pynïapbieit ïa nga. Kane ka dei kaei kaba uba ieit jong nga u long, ko ki kynthei ka Jerusalem.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

LOUKAS 23:50

La don u briew uba kyrteng u Joseph na Arimathaïa, ka shnong kaba ha Judia. U la long u briew uba bha bad uba donburom, uba la apkhmih ïa ka jingwan jong ka Hima U Blei. Wat la u long u dkhot jong ka Dorbar, um shym la mynjur bad ka jingrai bad jingleh jong ki.

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 22:12

“Ha kata ka nongbah la don u briew uba kyrteng u Ananias, u briew uba riewblei uba la kohnguh ïa ka Hukum jong ngi bad ïa uba la ñiewburom shikatdei eh da ki Jiw baroh kiba shong basah hangta.

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

Ka Shithi U Paul Sha Ki Nong Rom 13:3

Naba ïa ki nongsynshar ym dei ban sheptieng da kito kiba leh ïa kaba bha, hynrei da kito kiba leh ïa kaba sniew. Hato phi kwah ban long u bymsheptieng ïa u briew uba don ha ka bor? Te to leh ïa kaei kaba bha, bad un ïaroh ïa phi,

Ka Shithi U Paul Sha Ki Nong Rom 14:18

Bad haba uno uno u shakri ïa U Khrist ha kane ka rukom, u pynsngewbha ïa U Blei bad la pdiang da kiwei pat.

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 13:7

Ngi duwai ha U Blei ba phin ym leh ïa ka bymdei — ym ban pynpaw ba ngi long kiba la jop, te hynrei ba phin ïoh leh ïa kaba dei, wat la ka i kumba ngi long kiba la shahjop.

2 KORINTH 6:8

Ïa ngi la pyndonburom bad la pynlehrain; la krenbeiñ bad la ïaroh. La ñiew ïa ngi kum ki nongshukor, pynban ngi kren ïa ka jingshisha;

2 KORINTH 8:18

Lem bad u ngi phah ïa u parabangeit ïa uba la ñiewburom bha ha baroh ki balang na ka bynta ka jingtrei jong u ha kaba ïalap ïa ka gospel.

2 KORINTH 8:21

Ka jingthmu jong ngi ka long ban leh ïa kaba dei, ym tang ha khmat U Trai, hynrei ha khmat u briew ruh.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

EPHESOS 6:14

Kumta to ïeng ba la pynkhreh, da ka jingshisha kum u panpoh ba la pyndait ha ka syngkai jong phi, da ka hok kum ka jingda shadem jong phi,

DEUTERONOMI 16:20

Leh beit bad lehhok borabor, khnang ba phin ïohkynti ïa kata ka ri ba U Trai U Blei jong phi u ai ha phi bad ba phin ïaishong hangta.

PHILIPPI 3:1

Ha kaba wai noh, ko parabangeit jong nga, to phin kmen ha U Trai. Ngam sngew ei ei ban ïai ban biang ïa kaei kaba nga la thoh mynshuwa, bad kan kham pynskhem ïa phi lada nga leh kumta.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.

1 THESSALONI 4:12

Ha kane ka rukom, phin ïoh ïa ka jingñiewkor jong kito ki bym pat ngeit, bad phim donkam ban shaniah hano hano na ka bynta kaei kaba phi donkam.

1 TIMOTHI 3:11

Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

1 TIMOTHI 4:12

Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 2:2

Hikai ïa kiba la kham rangbah ba kin long kiba adkar, kiba tipbriew bad kiba synshar ïa lade; kiba skhem ha ka jingngeit, ka jingieit bad ka jingïaishah jong ki.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

HEBRU 11:2

Ka dei da ka jingngeit jong ki, ba ki briew ha ki por mynbarim ki ïohpdiang ïa ka jingsngewbha jong U Blei.

HEBRU 13:18

To ïai duwai namar jong ngi. Ngi sngewskhem ba ngi don ka jingïatiplem kaba khuid, namar ngi kwah ban leh ïa kaba dei ha ki por baroh.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

2 PETROS 3:1

Ko ki paralok ba-ieit jong nga, kane mynta ka long ka shithi kaba ar ba nga thoh sha phi. Ha baroh ar tylli ki shithi nga la pyrshang ban pynkhih ïa ki jingpyrkhat bakhuid ha ki jingmut jong phi da kaba pynkynmaw ïa phi ïa kine kiei kiei.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

RUTH 3:11

Ruth, mynta wat khuslai. Ngan leh ïa kaei kaei baroh kaba phi pan; kumba baroh ha shnong ki ïatip, phi dei ka kynthei kaba donburom.