PHILIPPI 4:11 - Khasi CL Bible (BSI)

¹¹ Bad ngam shym ong ïa kane namar ba nga la shah leh klet, naba nga la nang ban sngewhun ha kaei kaba nga don.

KA BAIBL

¹¹ Ym ba nga ong shaphang ka jingsngewkyrduh; namar nga la nang, ha kano kano ka jinglong ba nga long, ha kata hi ban sngewhun.

PHILIPPI 4:11 Mawu Ofanana

JENESIS 28:20

Nangta u Jakob u pynlong ka jingsmai ha U Trai: “Lada men long ryngkat bad nga bad ïada ïa nga ha kane ka jingleit jong nga, bad men ai ka bam ka dih bad ka kup ka sem ïa nga,

EKSODOS 2:21

Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

LOUKAS 3:14

Katto katne ngut ki shipai ruh ki la kylli ïa u, “Kumno ma ngi pat? Kaei ba ngi dei ban leh?” U la ong ha ki, “Wat shim pisa nano nano da ka bor lane mudui lamler ïano ïano. To sngewhun ha la ka bainong.”

2 KORINTH 11:27

Nga la thait na ka jingtrei shitom; bunsien ngam ju ïohthiah; nga la thngan bad sliang; bunsien ngam shym la don ka jingbam kaba biang, ka jakarieh, lane khlem jaiñkup.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

2 KORINTH 9:8

Bad U Blei u lah ban ai ïa phi palat ban ïa kaba phi donkam, khnang ba phin ïai don baroh kaba phi donkam na ka bynta ïa lade bad kham bun ban ïa kaba donkam na ka bynta ka jingthmu babha baroh.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.