PHILIPPI 4:1 - Khasi CL Bible (BSI)

¹ Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

KA BAIBL

¹ Namar kata, ko parabangeit ba-ieit jong nga bad ïa kiba la kynmaw hir hir, ka jingkmen bad ka pansngiat jong nga, kumta to ïeng skhem ha U Trai, ko hep ba-ieit jong nga.

PHILIPPI 4:1 Mawu Ofanana

Ka Kitab U Job 31:36

ngan sdien ïa kita ha la ka tyrpeng da kaba sngewsarong bad ngan buh ïa ki ha ka khlieh kum ka pansngiat.

SALM 125:1

Kito kiba shaniah ha U Trai ki long kum u lum Seïon, u bym lah ban pynkhynñiuh, u bym lah ban pynkhih.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

ÏOANNIS 8:31

Kumta U Jisu u la ong ha kito kiba la ngeit ha u, “Lada phi kohnguh ïa ka jinghikai jong nga, phi long da shisha ki synran jong nga;

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

PHILIPPI 2:26

U kwah eh ban ïohi ïa phi baroh, bad u la sngew pisa shibun namar ba phi la ïohsngew ba u la pang.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

2 THESSALONI 2:15

Kumta te, ko parabangeit jong ngi, to ïeng skhem bad batskhem ha kito ki jingshisha kiba ngi la hikai ïa phi, ha ka jingïalap jong ngi bad ha ka shithi jong ngi.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

2 PETROS 3:17

Hynrei ma phi, ko ki paralok jong nga, phi la tip lypa ïa kane. To sumar ïa lade, namarkata, ba phin ym shah ïalam bakla da ki jingpynbakla ki briew ki bym bat aiñ bad phi hap noh na ka jaka ba la shongshngain kaba phi don.