PHILIPPI 3:9 - Khasi CL Bible (BSI)

⁹ Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

KA BAIBL

⁹ bad ba yn shem ïa nga ha u, u bymdon ka hok ka jong nga hi, kata keiñ kaba na ka hukum, hynrei, kata kaba da ka jingngeit ha U Khrist, ka hok kaba na U Blei da ka jingngeit:

PHILIPPI 3:9 Mawu Ofanana

JENESIS 7:23

U Trai u la pynduh khoit ïa ki jingthaw ba-im baroh kiba don ha ka pyrthei — ki briew, ki mrad ki mreng, bad ki sim. Kiba lait im ki long tang u Noah lem bad kito kiba don lem bad u hapoh kata ka lieng.

1 SYIEM 8:46

“Haba ki briew jong me ki leh pop pyrshah ïa me — bad ba ym don uwei ruh u briew uba khlem leh pop — bad ha la ka jingbitar me shah ïa ki nongshun jong ki ban jop ïa ki bad ban ring koidi ïa ki sha kawei pat ka ri, wat la kata ka ri ka long kaba jngai, to shahshkor ïa ki jingduwai ki briew jong me.

2 KHRONIKL 32:25

Hynrei u Hesekaïah u sngewsarong palat ban pynpaw ïa ka jingsngewnguh ïa kaei kaba U Trai u la leh namar jong u, bad ka Judah bad ka Jerusalem ki mad jingjynjar na kata.

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

SALM 14:3

Hynrei ki baroh ki la ïaid bakla, ki la ïalong lang kiba sniew. Ym don uwei ruh na ki uba leh ïa kaba dei, ym don uwei ruh.

SALM 143:2

To wat buh ïa nga, u shakri jong me, ha ka jingtynjuh; ym don uba lui lui ha khmat jong me.

SALM 19:12

Ym don uno uno uba lah ban ïohi ïa ki jingbakla la jong; to pyllait ïa nga, A Trai, na ki jingbakla barieh!

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

Ka Shithi U Paul Sha Ki Nong Rom 10:10

Naba ka long da ka jingngeit jong ngi ba ngi don ka jingïadei bad U Blei; ka long da ka jingphla jong ngi ba ïa ngi la pynim.

Ka Shithi U Paul Sha Ki Nong Rom 16:7

Ki jingkhublei ruh ïa u Andronikos bad ka Junias, ki para Jiw kiba la ïadon lang bad nga ha byndi; ki long ïa kiba la ithuh bha hapdeng ki apostol, bad ki la long Khristan shuwa ïa nga.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

DEUTERONOMI 27:26

“ ‘Ka jingtim U Blei kan hap ha uta u briew u bymkohnguh ïa ki aiñ bad ki jinghikai baroh jong U Blei.’ “Bad u paidbah baroh un jubab lang, ‘Amen!’

PHILIPPI 3:6

Lada u briew u lah ban long uba hok da kaba kohnguh ïa ki jingong ka hukum, nga long uba khlem jingrem.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

1 ÏOANNIS 3:4

Uno uno uba leh pop, u long ba la pynrem ha kaba pynkheiñ ïa ka hukum U Blei, namar ka pop ka dei ka jingpynkheiñ ïa ka hukum.