PHILIPPI 3:21 - Khasi CL Bible (BSI)

²¹ U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

KA BAIBL

²¹ u ban thaw thymmai ïa ka met ka jinglong rangli jong ngi, ïa ka ban pynlong ïa ka shidur bad ka met ka burom jong u, katba kum kata ka jingpyntrei da kaba u lah ruh wat ban pyndem ïa kiei kiei baroh ha lade.

PHILIPPI 3:21 Mawu Ofanana

JINGRWAI SOLOMON 1:11

Hynrei ngin thaw ïa phi u kynjri da ka ksiar bad ki jingpynitynnat da ka rupa.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.