PHILIPPI 3:2 - Khasi CL Bible (BSI)

² To kiar noh na kito kiba leh ïa kiei kiei kiba sniew, na kita ki ksew, kita ki briew kiba pynbor ïa ka ban ot ïa ka met.

KA BAIBL

² To kiar noh na kita ki ksew, to kiar noh na kita ki nongleh basniew, to kiar noh na kata kaba otsher.

PHILIPPI 3:2 Mawu Ofanana

SALM 119:115

Khie leit noh na nga, phi ki briew kiba pop. Ngan kohnguh ïa ki hukum jong U Blei jong nga.

SALM 22:16

Ka kynhun ki riewsniew ka don sawdong ïa nga; kum ka kynhun ki ksew, ki don hajan jong nga; ki patar ïa ki kti bad ki kjat jong nga.

SALM 22:20

To pynim ïa nga na ka waitlam; ïada ïa ka jingim jong nga na kine ki ksew.

PROBERB 26:11

U bieit uba leh ïa kaei kaei kaba mutlop ha kaba ar sien u long kum u ksew uba leit phai sha la ka prie.

MATHAÏOS 24:10

Shibun kin iehnoh ïa ka jingngeit jong ki ha kata ka por; kin ïashetkylla iwei ïa iwei pat bad kin isih iwei ïa iwei pat.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

MATHAÏOS 7:6

“Wat ai ïa kaei kaba khuid ha ki ksew — kin shu phai pynban bad tur ban dait ïa phi. Wat bret ïa ki mawlynnai ha khmat ki sniang — kin shu ïuh pynban ïa ki hapoh ka kjat.

Ka Shithi U Paul Sha Ki Nong Rom 2:28

Haba kumta, uei uba dei u Jiw bashisha, ba la otsher shisha? Ym dei uta u briew uba dei u Jiw ha kaba shabar, uba ka jingotsher ka long ha ka doh.

2 KORINTH 11:13

Kito ki briew kim long ki apostol kiba shisha — ki long ki apostol lamler, kiba shukor shaphang ka jingtrei jong ki bad thawdur ïa lade ban i kum ki apostol bashisha jong U Khrist.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

2 PETROS 2:22

Kaei kaba la jia ha ki, ka pynpaw ba ki Proberb ki long kiba shisha: “U ksew u leit phai pat sha la ka prie” bad “u sniang ïa uba la pynsum pynsait u leit kyrsum pat ha ka ktieh.”

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.