PHILIPPI 3:12 - Khasi CL Bible (BSI)

¹² Ngam shym la kam ba nga la ïoh jop lypa lane ba la pynlong janai lypa. Nga ïai ïaleh shitom ban ïoh ïa ka prais ïa kaba U Khrist Jisu u la ïoh ïa nga sha lade hi.

KA BAIBL

¹² Ym ba nga la ïoh pdiang lypa, lane ba la pynjanai lypa ïa nga: hynrei, nga beh shaphrang keiñ, ba kumta, ngan ïoh bat ïa kata na ka bynta kaba la bat ïa nga ruh da U Khrist Jisu.

PHILIPPI 3:12 Mawu Ofanana

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 119:5

A katno nga kyrmen ba ngan long uba ïaineh ha kaba sumar ïa ki jingbthah jong me!

SALM 138:8

Me pyndep ïa kiei kiei baroh kiba me la kular; A Trai, ka jingieit jong me ka neh bymjukut. To pyndep ïa ka kam kaba me la sdang.

SALM 42:1

Kumba u 'keirang u thrang ïa ka um bapjah jong ka wahduid, kumta ruh nga thrang ïa me, A Blei.

SALM 63:8

Nga snoh ha me, bad ka kti jong me ka sumar ïa nga.

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

SALM 94:15

Ka jingbishar hok kan wan biang ha ki ïingbishar, bad baroh ki briew kiba hok kin kyrshan ïa ka.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 51:1

U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

Ka Shithi U Paul Sha Ki Nong Rom 8:39

lymne ka pyrthei shalor lymne ka pyrthei sha tbian — ym don kano kano ha ki jingthaw baroh ki ban lah lano lano ruh ban pynïakhlad ïa ngi na ka jingieit U Blei kaba ha ngi lyngba U Khrist Jisu uba U Trai jong ngi.

1 KORINTH 13:10

hynrei haba kata kaba janai kan wan, te kata kaba tang katto katne kan jah noh.

1 KORINTH 13:12

Kaei kaba ngi ïohi mynta ka long kum ka dur kaba byrngut ha ka ïitkhmih; nangta ngin sa ïohi markhmat. Kaei kaba nga tip mynta ka long tang katto katne; nangta kan sa long kaba dap pura — kaba dap pura kum ka jingtip jong U Blei ïa nga.

1 KORINTH 9:24

Da shisha phi tip ba don shibun ki nongïamareh kiba ïashim bynta ha ka jingmareh thong, hynrei tang uwei na ki u ïoh ïa ka prais. Kumta to mareh ha kata ka rukom ban ïoh ïa ka prais.

2 KORINTH 13:9

Ngi sngewkmen haba ngi long kiba tlot hynrei phi long kiba khlaiñ. Bad kumta ngi duwai ruh ba phin long kiba janai.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 5:17

Ïa kaei kaba ka jinglong ba kynja briew jong ngi ka kwah ka long marpyrshah ïa kaei kaba U Mynsiem u kwah, bad kaei kaba U Mynsiem u kwah ka long marpyrshah ïa kaei kaba ka jinglong ba kynja briew jong ngi ka kwah. Kine ar ki ïalong nongshun, bad kane ka mut ba phim lah ban leh ïa kaei kaba phi kwah ban leh.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

PHILIPPI 1:1

Na u Paul bad u Timothi, ki shakri U Khrist Jisu — Sha baroh ki briew jong U Blei ha Philippi kiba ha U Khrist Jisu, kiba ki kynthup ïa ki nongïalam balang bad ki nongïarap.

PHILIPPI 3:16

La kumno kumno, lada kata ka lah ban long, to ngin ïa-ïaid sha khmat kat kum kijuh ki kyndon kiba ngi la bud haduh mynta.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

2 THESSALONI 2:13

Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

HEBRU 12:23

Phi la wan sha ka jingïalumlang kaba kmen jong ki khun shynrang ba la kha nyngkong jong U Blei, kiba ïa ki kyrteng jong ki la thoh ha bneng. Phi la wan sha U Blei uba long u nongbishar ki bynriew baroh, bad sha ki mynsiem jong ki briew kiba bha ïa kiba la pynjanai.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.