PHILIPPI 2:7 - Khasi CL Bible (BSI)

⁷ Ha ka jaka kane, da ka mon balaitluid u kheiñduh noh ïa baroh kaba u don, bad u la shim ïa ka jinglong u shakri. U kylla long u kum u briew, bad u la wanpaw ha ka dur u briew.

KA BAIBL

⁷ hynrei, u la pynsuda ïa lade, u da shim ïa ka dur mraw, haba u la jia long ha ka jingsyriem ki briew;

PHILIPPI 2:7 Mawu Ofanana

SALM 22:6

Hynrei ngam dei shuh u briew; nga dei u khñiang, ba la ñiewbeiñ bad isih da baroh!

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 49:3

U la ong ïa nga, “Ko Israel, me long u shakri jong nga; namar jong me, ki briew kin ïaroh ïa nga.”

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MARKOS 9:12

Ka jingjubab jong u ka long, “U Elijah u wan shisha nyngkong khnang ban pynkhreh ïa kiei kiei baroh. Pynban balei ba ki Jingthoh Bakhuid ki ong ba U Khun U Briew un hap shahshitom shibun bad shah kyntait?

LOUKAS 22:27

Uei uba kham khraw, uta uba shong ban bam ne uta uba shakri ïa u? Uta keiñ uba shong. Hynrei nga long hapdeng jong phi kum uta uba shakri.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

Ka Shithi U Paul Sha Ki Nong Rom 15:3

Naba U Khrist um shym la pynsngewbha ïa lade. Pynban, kumba ka Jingthoh Bakhuid ka ong, “Ki jingkrenbeiñ ïa kiba la thew ha phi ki la hap halor jong nga.”

Ka Shithi U Paul Sha Ki Nong Rom 15:8

Naba nga ong ïa phi ba ka jingim jong ka jingshakri U Khrist ka la long na ka bynta ki Jiw, ban pyn-i ba U Blei u long uba ïaineh, ban pynlong ïa ki kular jong u ha ki kpa tymmen jong ki ban urlong shisha,

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

2 KORINTH 13:4

Wat la ka la long ha ka jingtlot ba u la shah pynïap halor ka diengphna, dei da ka bor U Blei ba u im. Ha u ngi ruh ngi long kiba tlot; hynrei ha ki jingïadei jong ngi bad phi ngin ïa-ïoh bynta lem ïa ka bor U Blei ha ka jingim jong u.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

PHILIPPI 2:6

U don borabor ïa ka jinglong U Blei; hynrei um shym pyrkhat ïa kata da ka bor ba u dei ban pyrshang ban pynlong mar ryngkat bad U Blei.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.