PHILIPPI 2:5 - Khasi CL Bible (BSI)

⁵ Ka jingmut kaba phi dei ban don ka long kata kaba U Khrist Jisu u la don:

KA BAIBL

⁵ To ïoh ïa kane ka jingmut ha phi, kaba la long ruh ha U Khrist Jisu:

PHILIPPI 2:5 Mawu Ofanana

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

LOUKAS 22:27

Uei uba kham khraw, uta uba shong ban bam ne uta uba shakri ïa u? Uta keiñ uba shong. Hynrei nga long hapdeng jong phi kum uta uba shakri.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

Ka Shithi U Paul Sha Ki Nong Rom 14:15

Lada phi pynmong ïa la u parabangeit namar kaei kaba phi bam, te phim leh shuh na ka jingieit. To wat ai ba ka jingbam kaba phi bam kan pynsniew ïa u briew ïa uba U Khrist u la ïap na ka bynta jong u!

Ka Shithi U Paul Sha Ki Nong Rom 15:3

Naba U Khrist um shym la pynsngewbha ïa lade. Pynban, kumba ka Jingthoh Bakhuid ka ong, “Ki jingkrenbeiñ ïa kiba la thew ha phi ki la hap halor jong nga.”

Ka Shithi U Paul Sha Ki Nong Rom 15:5

Bad to U Blei, uba long ka tyllong jong ka jingïaishah bad ka jingpynshlur, un pynlah ïa phi ban don kajuh ka jingmut hapdeng jong phi da kaba bud ïa ka nuksa U Khrist Jisu,

1 KORINTH 10:33

To leh kumba leh ma nga; nga pyrshang ban pynsngewbha ïa baroh ha kiei kiei baroh kiba nga leh, khlem da pyrkhat ïa ka jingbha jong nga hi, hynrei ïa ka jingbha jong kiba bun, khnang ba yn pynim ïa ki.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 1:1

Na u Paul bad u Timothi, ki shakri U Khrist Jisu — Sha baroh ki briew jong U Blei ha Philippi kiba ha U Khrist Jisu, kiba ki kynthup ïa ki nongïalam balang bad ki nongïarap.

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.

1 PETROS 4:1

Haba U Khrist u la shahshitom ha ka doh, phi ruh phi dei ban pynkhlaiñ ïa lade da kajuh ka jingpyrkhat kaba u la don; namar uno uno uba shahshitom ha ka doh um ïakhleh shuh bad ka pop.

1 ÏOANNIS 2:6

Uno uno uba ong ba u ïaisah ha U Blei u dei ban im kumba U Jisu Khrist u la im.