PHILIPPI 2:25 - Khasi CL Bible (BSI)

²⁵ Nga don ka jingpyrkhat ba ka donkam ban phah sha phi ïa u para jong ngi u Epaphroditos, uba la trei bad ïaleh ha syndah jong nga bad uba la shakri kum u nonglamktien jong phi ha kaba ïarap ïa nga.

KA BAIBL

²⁵ Hynrei, nga la mut ba donkam ban phah noh sha phi ïa u Epaphroditos, u parabangeit bad u para baïatrei lem bad u para shipai jong nga, bad u nongkit-ktien jong phi bad u nongpyndap ïa ka jingkyrduh jong nga.

PHILIPPI 2:25 Mawu Ofanana

PROBERB 25:13

U nonglamktien uba lah ban shaniah u ai jinghun mynsiem ïa uta uba phah ïa u, kum ka umkhriat ha ka jingshit tyrha ha ka aïom ot.

ÏOANNIS 13:16

Nga ong ha phi ïa ka jingshisha: U mraw um long kham khraw ban ïa u kynrad jong u, bad u nonglamktien um long kham khraw ban ïa uta uba la phah ïa u.

ÏOANNIS 17:18

Nga la phah ïa ki sha ka pyrthei, kumba me la phah ïa nga sha ka pyrthei.

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 16:9

Ki jingkhublei ruh ïa u Urbanos, uba ïatrei lem bad ngi ha ka kam U Khrist, bad ïa u Stakhos, u paralok ba-ieit jong nga.

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

2 KORINTH 2:13

Hynrei nga la khuslai jur eh, namar ngam shym ïashem ïa u para jong ngi, u Titos. Kumta nga la kren khatduh ïa ki briew hangto bad nga la leit noh sha Makedonia.

PHILIPPI 2:26

U kwah eh ban ïohi ïa phi baroh, bad u la sngew pisa shibun namar ba phi la ïohsngew ba u la pang.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

KOLOSSAI 1:7

Phi la ïoh tip ïa ka jingaiei jong U Blei na u Epaphras, u para shakri ba-ieit jong ngi, uba long u nongtrei baïaineh jong U Khrist na ka bynta jong ngi.

KOLOSSAI 4:11

U Joshua, ïa uba la khot ruh u Justos, u phah ruh ïa ki jingai khublei. Kine lai ngut ki long tang ma ki, ki parabangeit Jiw kiba trei bad nga na ka bynta Ka Hima U Blei, bad ki la long ka jingïarap bakhraw ïa nga.

1 THESSALONI 3:2

bad ngi la phah ïa u Timothi, u parabangeit jong ngi uba ïatrei lem bad ngi na ka bynta U Blei ha kaba ïalap ïa ka Khubor Babha shaphang U Khrist. Ngi la phah ïa u ban pynkhlaiñ ïa phi bad ïarap ïa ka jingngeit jong phi,

PHILEMON 1:24

bad kumjuh ruh ki para ba-ïatrei lem bad nga u Markos, u Aristarkhos, u Demas, bad u Loukas.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.