PHILIPPI 2:21 - Khasi CL Bible (BSI)

²¹ Uwei pa uwei u sngewkhia tang ïa la ki jong ki kam, ym ïa kiei kiei ki jong U Jisu Khrist.

KA BAIBL

²¹ Namar ki baroh ki ïawad ïa la ki jong, ym ïa kiei kiei ki jong U Jisu Khrist.

PHILIPPI 2:21 Mawu Ofanana

2 SYIEM 12:6

Hynrei kat haduh ka snem kaba arphew lai jong ka jingsynshar u Joash ki lyngdoh kim pat shym la shna pynbha ïa ka Templ.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

KI KAM 13:13

U Paul bad ki paralok jong u ki la leit da ka lieng na Paphos, bad ki la wan poi sha Perga, ka nongbah ha Pamphylia, ha kaba u Ïoannis Markos u la iehnoh ïa ki bad u la leit phai pat sha Jerusalem.

KI KAM 15:38

hynrei u Paul um shym pyrkhat ba ka long kaba dei ban ïalam ïa u, namar um shym la sah bad ki haduh kaba kut ka kam jong ki, hynrei u la leit phai pat bad u la iehnoh ïa ki ha Pamphylia.

1 KORINTH 10:24

Kam dei ïa uwei ruh na phi ban khmih ïa la ki jong ki jingmyntoi, hynrei ïa ki jingmyntoi jong kiwei de.

1 KORINTH 10:33

To leh kumba leh ma nga; nga pyrshang ban pynsngewbha ïa baroh ha kiei kiei baroh kiba nga leh, khlem da pyrkhat ïa ka jingbha jong nga hi, hynrei ïa ka jingbha jong kiba bun, khnang ba yn pynim ïa ki.

1 KORINTH 13:5

ka jingieit kam leh khlem akor lane wad ïa la ka jingmyntoi lane khapnap; ka jingieit kam ju buh jingkynmaw ïa ki jingbakla;

2 KORINTH 1:5

Kumba ngi ïoh bynta na ki jingshah shitom babun jong U Khrist, kumta ruh, lyngba U Khrist, ngi ïoh bynta na kita ki jingïarap bakhraw jong U Blei.

PHILIPPI 2:4

Bad to khmih ïa ki jingdonkam jong iwei ïa iwei pat, ym tang ïa la ka jong.

2 TIMOTHI 1:15

Me tip ba uwei pa uwei uba don ha ka probins jong ka Asia, ba kynthup ïa u Phygelos bad u Hermogenes, ki la iehnoh ïa nga.

2 TIMOTHI 3:2

Ki briew kin long kiba khwan myntoi, kiba lalot, kiba leh sarong, bad kiba kyr-eit; kin krenbeiñ, kin ym kohnguh ïa la ki kmie ki kpa, ki bymsngewnguh, bad ki bymriewblei;

2 TIMOTHI 4:10

U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.

2 TIMOTHI 4:16

Ym don ba kyrshan ïa nga haba nga ïasaid da ïa lade nyngkong eh ha khmat ki bor synshar; baroh ki la iehnoh ïa nga. Nga duwai ba U Blei un ym thew pyrshah ïa ki!