PHILIPPI 2:16 - Khasi CL Bible (BSI)

¹⁶ Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

KA BAIBL

¹⁶ da kaba bat tyrwa ïa ka ktien ka jingim; ba ngan ïoh lehburom ha ka sngi U Khrist, ba ngam shym la phet lehnohei, lymne trei lehnohei.

PHILIPPI 2:16 Mawu Ofanana

SALM 40:9

Ha ka jingïaseng bah jong ki briew jong me baroh, A Trai, nga la pynbna ïa ka khubor babha ba me pynim ïa ngi; me tip ba ngan ym sangeh ban ïathuh ïa ka.

SALM 71:17

Me la hikai ïa nga naduh ba nga dang samla, bad nga dang ïai ïathuh ïa ki kam kiba phylla jong me.

ISAÏAH 49:4

Nga la ong, “Nga la trei, hynrei katno ka long kaba duh jingkyrmen! Nga la pyndonkam ïa la ka jingkhlaiñ, hynrei ym lah ban pyndep ei ei.” Pynban nga lah ban shaniah ha U Trai ban kyrshan na ka bynta jong nga; un ai bainong ïa nga ïa kaei kaba nga leh.

MATHAÏOS 10:27

Ïa kaei kaba nga ïathuh ïa phi ha kaba dum phi dei ban ïathuh ha kaba shai, bad ïa kaei kaba phi la ïohsngew ha kaba rieh phi dei ban pynbna na ki tnum ïing.

LOUKAS 12:8

“Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei.

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

KI KAM 13:26

“Ko para Israel jong nga, ki khun ki ksiew jong u Abraham, bad baroh ki Jentil hangne kiba mane ïa U Blei: Ka long ha ngi, ba la phah ïa kane ka khubor ka jingpynim!

1 KORINTH 1:8

U ruh un batskhem ïa phi haduh kaba kut, khnang ba phin long kiba khlem shah kynnoh pop ha ka Sngi jong U Jisu Khrist uba U Trai jong ngi.

1 KORINTH 9:26

Dei namar kata, nga mareh beit sha ka thong; dei namar kata balei ba nga long kum nongïakura u bym pynlehnoh-ei ïa ka jingkura jong u.

GALATIA 2:2

Nga la leit namar U Blei u la pynpaw ha nga ba nga dei ban leit. Ha ka jingïakynduh bajar jar bad ki nongïalam, nga la batai ïa ka khubor ka Gospel ïa kaba nga ïalap ha ki Jentil. Ngam shym la kwah ba ka jingtrei jong nga kaba mynshuwa bad kaba mynta kin shu sep-ei.

GALATIA 4:11

Nga sngewkhuslai shaphang jong phi! Hato ka lah ban long ba baroh ka jingtrei jong nga na ka bynta jong phi ka la shu long lehnoh-ei?

PHILIPPI 1:10

Te phin long kiba lait na baroh ki jingbymkhuid bad khlem shah kynnoh pop ha ka Sngi U Khrist.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

1 THESSALONI 2:19

Nalor baroh, dei ma phi — ma phi keiñ, khlem duna ïa kiwei pat! — kiba long ka jingkyrmen jong ngi, ka jingkmen jong ngi, bad ka daw jong ngi ban sngewsarong ïa ka jingjop jong ngi ha khmat jong U Jisu uba U Trai jong ngi haba u wan.

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

1 PETROS 1:23

Naba lyngba ka ktien ba-im bad ba bymjukut jong U Blei la pynkha pat ïa phi kum ki khun jong uta u bymïap shuh, u bym dei u briew.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.