PHILIPPI 2:12 - Khasi CL Bible (BSI)

¹² Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

KA BAIBL

¹² Kumta te, ko hep ba-ieit jong nga, kumba ha la ka sngi phi la kohnguh, ym tang ha khmat jong nga, hynrei, mynta, kham tam eh ha kaba ngam don ha khmat keiñ, to trei dep noh ïa ka jingpynim jong phi hi da ka jingtieng bad ka jingkhynñiuh;

PHILIPPI 2:12 Mawu Ofanana

ESRA 10:3

Mynta ngi dei ban pynlong ka jingkular bakyntang ha U Blei jong ngi ba ngin phah noh ïa kine ki kynthei bad ki khynnah. Ngin leh ïa kaei kaba ma phi bad kiwei kiba burom ïa ki hukum U Blei kiba hikai ïa ngi ban leh. Ngin leh ïa kaei kaba ka Hukum U Blei ka dawa.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 2:11

Shakri ïa U Trai da ka jingsheptieng;

PROBERB 10:16

Ka bainong ban lehbha ka lam sha ka jingim; hynrei ka pop ka ïalam ban leh pop shuh shuh.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

MATHAÏOS 11:12

Naduh ka por ba u Ïoannis u la ïalap ïa ka khubor jong u haduh kane ka sngi hi, ka Hima ki bneng ka la shah ïa ka jingleh jubor, bad ki nongleh jubor ki pyrshang ban kurup ïa ka.

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

KI KAM 16:29

U nongpeit phatok u la pan ïa ka jingshai, u la rung shapoh, bad u la dem da kaba khynñiuh ha ki kjat jong u Paul bad u Silas.

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

1 KORINTH 2:3

Kumta haba nga la wan sha phi, nga la long uba tlot bad uba kyiuh baroh shi rynïeng da ka jingsheptieng, bad ïa ka jinghikai bad ka khubor jong nga ym shym la pynïoh da ki ktien batbit jong ka jingstad briew, hynrei da ka jingpynshisha baskhem jong ka bor U Mynsiem U Blei.

1 KORINTH 4:14

Nga thoh ïa kane sha phi, ym namar ba nga kwah ban pynlehrain ïa phi, hynrei ban sneng ïa phi kum ki khun ba-ieit jong nga.

2 KORINTH 7:15

Bad kumta ka jingieit jong u ïa phi ka nang khraw, kumba u kynmaw kumno phi baroh phi la kloi ban kohnguh ïa ki jingbthah jong u, kumno phi la pdiang sngewbha ïa u da ka jingsheptieng bad ka jingkyiuh.

EPHESOS 6:5

Phi ki mraw, to kohnguh ïa la ki kynrad da ka jingsheptieng bad ka jingkhynñiuh; bad leh ïa ka da ka dohnud basngur, kumba phi shakri ïa U Khrist.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

PHILIPPI 1:5

namar ka rukom kaba phi la ïarap ïa nga ha ka kam jong ka gospel sha kiwei pat naduh ka sngi kaba sdang haduh mynta.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

PHILIPPI 2:19

Lada ka long ka mon U Trai, nga kyrmen ba nga lah ban phah shen sha phi ïa u Timothi, khnang ba nga lah ban ïoh ka jingpynshlur da ka khubor shaphang jong phi.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

PHILIPPI 4:15

Phi ki nong Philippi phi tip bha shibun ba haba nga la mihnoh na Makedonia ha ki sngi kiba sdang ban ïalap ïa ka Khubor Babha, phi dei tang ma phi ka balang ban ïarap ïa nga; phi dei tang ma phi kiba la shim bynta ha ki jingïoh bad jingduh jong nga.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.