PHILIPPI 2:1 - Khasi CL Bible (BSI)

¹ Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

KA BAIBL

¹ Lada don, namar kata, kano kano ka jingpyntngen ha U Khrist, lada don kano kano ka jingpynshngain ka jingïa-ieit, lada don kano kano ka jingïasyllok U Mynsiem, lada don kino kino ki jingisynei bajem bad ki jingïasngewsynei,

PHILIPPI 2:1 Mawu Ofanana

SALM 133:1

A katno kaba phylla ka long, katno kaba sngewtynnat, haba ki briew jong U Blei ki ïashong lang ha kawei ka jingmut!

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

ÏOANNIS 14:18

“Ynda nga leit, phin ym sah tang marwei; ngan wan pat sha phi.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 17:13

Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 8:26

Ha kajuh ka rukom ruh U Mynsiem u wan ban ïarap ïa ngi, ha ka jingtlot kaba ngi don. Naba ngim tip kumno ngi dei ban duwai; U Mynsiem hi da lade u ïasaid bad U Blei na ka bynta jong ngi ha ki jingud kiba ki ktien kim lah ban pynpaw.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

1 KORINTH 15:31

Ko parabangeit jong nga, nga ïakynduh ïa ka jingïap man la ka sngi! Ka jingsngew sarong kaba nga don ha phi, ha ka jingim jong ngi ha U Khrist Jisu uba U Trai jong ngi, ka pynlong ïa nga ban pynbna ïa kane.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

2 KORINTH 2:14

Hynrei ki jingnguh ki long sha U Blei! Naba ha U Khrist ngi long borabor kiba la ïalam da U Blei kum ki koidi ha ka jingïaid lynti ka jingjop U Khrist. U Blei u pyndonkam ïa ngi ba kata ka jingtip ïa U Khrist kan saphriang kylleng kum ka jingiwbih.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:12

Ym don uno uno uba la ïohi ïa U Blei mynno mynno ruh, hynrei, lada ngi ïa-ieit iwei ïa iwei pat, U Blei u im hapoh jong ngi, bad ïa ka jingieit jong u la pynjanai noh ha ngi.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.