PHILIPPI 1:8 - Khasi CL Bible (BSI)

⁸ U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

KA BAIBL

⁸ Namar U Blei u long u nongsakhi jong nga, katno ba nga sngewkynmaw hir hir ïa phi baroh ha ki jingisynei bajem U Khrist Jisu.

PHILIPPI 1:8 Mawu Ofanana

Ka Kitab U Job 16:19

Don mano mano ha bneng u ban ïeng na ka bynta jong nga bad u ban don ha ka liang jong nga?

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

Ka Shithi U Paul Sha Ki Nong Rom 9:1

Nga kren ïa ka jingshisha, nga long u jong U Khrist bad ngam kren ïa ka bymshisha. Ka jingïatiplem, ba la synshar da U Mynsiem Bakhuid ruh ka kren skhem ba ngam kren ïa ka bymshisha

2 KORINTH 13:9

Ngi sngewkmen haba ngi long kiba tlot hynrei phi long kiba khlaiñ. Bad kumta ngi duwai ruh ba phin long kiba janai.

2 KORINTH 6:12

Ym dei ma ngi kiba la khang khop ïa la ki dohnud sha phi; dei ma phi kiba khang khop ïa la ki dohnud sha ngi.

2 KORINTH 7:15

Bad kumta ka jingieit jong u ïa phi ka nang khraw, kumba u kynmaw kumno phi baroh phi la kloi ban kohnguh ïa ki jingbthah jong u, kumno phi la pdiang sngewbha ïa u da ka jingsheptieng bad ka jingkyiuh.

GALATIA 1:20

Kaei kaba nga thoh ka long kaba shisha. U Blei hi u tip ba ngam shym lamler!

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 4:19

Ko ki khun ba-ieit jong nga! Sa shisien, kum ka kmie kaba suh kha, nga sngew ïa kajuh ka jait jingsuh na ka bynta jong phi tad haduh ka jinglong U Khrist kan da thawdur ha phi.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

PHILIPPI 2:26

U kwah eh ban ïohi ïa phi baroh, bad u la sngew pisa shibun namar ba phi la ïohsngew ba u la pang.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

1 THESSALONI 2:5

Phi tip bha ba ngim shym la wan ha phi da ki jingkren jali ja-um, lymne ba ngi la pyndonkam ïa ki kyntien ban da 'rap-jot ïa ka jinglalot — U Blei u long u sakhi ïa ngi!

1 THESSALONI 2:8

Namar ka jingieit jong ngi ïa phi, ngi la long kiba la kloi ban ïabynta bad phi ym tang ïa ka Khubor Babha na U Blei hynrei wat ïa ka jingim jong ngi ruh. Phi la long kiba ieit thep mynsiem eh jong ngi!

2 TIMOTHI 1:4

Nga kynmaw ïa ki ummat jong me, bad nga kwah eh ban ïohi ïa me, khnang ba yn ïoh pyndap ïa nga da ka jingkmen.

PHILEMON 1:12

Nga phah pat sha me ïa u mynta, lem bad u ka long lem ka dohnud jong nga.

PHILEMON 1:20

Kumta, ko para jong nga, sngewbha ban leh ïa kane na ka bynta U Trai; kum u para ha U Khrist, to pynkmen ïa nga!

1 ÏOANNIS 3:17

Lada u briew uba riewspah u ïohi ïa la u parabriew ha ka jingkyrduh, pynban, u khang khyrdep ïa la ka dohnud pyrshah ïa la u parabriew, kumno u lah ban kam ba u ieit ïa U Blei?