PHILIPPI 1:5 - Khasi CL Bible (BSI)

⁵ namar ka rukom kaba phi la ïarap ïa nga ha ka kam jong ka gospel sha kiwei pat naduh ka sngi kaba sdang haduh mynta.

KA BAIBL

⁵ namar ka jingïasyllok jong phi ha kaba pynroi ïa ka gospel naduh ka sngi ka banyngkong haduh mynta;

PHILIPPI 1:5 Mawu Ofanana

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

Ka Shithi U Paul Sha Ki Nong Rom 15:26

Namar ki balang ha Makedonia bad Akhaïa da ka jingsngewlaitluid ki la ïakut ban ai ka jingai ban ïarap ïa kiba duk napdeng ki briew jong U Blei ha Jerusalem.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

2 KORINTH 8:1

Ko ki parabangeit jong ngi, ngi kwah ïa phi ban tip ïa kaei kaba ka jingaiei U Blei ka la pynpaw ha ki balang ha Makedonia.

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

PHILIPPI 1:12

Nga kwah ïa phi ban tip, ko parabangeit jong nga, ba kiei kiei kiba la jia ha nga ki la ïarap da shisha ïa ka jingpynroi ïa ka gospel.

PHILIPPI 1:16

Kine ki leh kumta na ka jingieit, namar ki tip ba U Blei u la ai ha nga ïa ka kam ban ïada ïa ka gospel.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

PHILIPPI 2:22

Bad phi hi phi tip, kumno u la pynshisha ïa ka jingkordor jong u, kumno ma u bad ma nga, kum u khun bad u kpa jong u, ngi la ïatreilang na ka bynta ka gospel.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

PHILEMON 1:17

Namarkata, lada me pyrkhat ïa nga kum u para ba-ïatrei lem jong me, to pdiang sngewbha pat ïa u kumba men pdiang sngewbha ïa nga.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.