PHILIPPI 1:13 - Khasi CL Bible (BSI)

¹³ Kaba mih nangta ka long, ba ka kynhun nongap phira jong ka ïingsyiem baroh kawei bad baroh kiwei pat hangne, ki tip ba nga don ha ka byndi namar nga long u shakri jong U Khrist.

KA BAIBL

¹³ kat ban pynlong ïa kine ki kynjri jong nga kiba paw ha U Khrist ha baroh kawei ka dorbar u patsha, bad ha kiwei pat baroh;

PHILIPPI 1:13 Mawu Ofanana

KI KAM 26:29

“La ka long ha ka por balyngkot lane ha ka por bajlan,” u Paul u la jubab, “ka jingduwai jong nga ha U Blei ka long ba ma me bad baroh kiwei pat kiba sngap ïa nga ha kane ka sngi ki lah ban long kum ma nga — lait noh, da shisha, ïa kine ki kynjri!”

KI KAM 26:31

bad hadien ba ki la mihnoh, ki la ïakren para ma ki, “Une u briew um shym leh kaei kaei kaba u dei ban ïap ne ban shah set phatok.”

KI KAM 28:17

Hadien lai sngi u Paul u la khot ïa ki nongïalam Jiw kiba hangta sha ka jingïalang. Haba ki la ïalumlang, u la ong ha ki, “Ko para Israel jong nga, wat la ngam shym la leh ïa kano kano pyrshah ïa ki briew jong ngi lane ïa ki dustur kiba ngi la ïohpateng na ki kpa tymmen jong ngi, la pynlong koidi ïa nga ha Jerusalem bad la aiti ïa nga ha ki nong Rom.

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

KI KAM 28:30

Haduh ar snem u Paul u la shong ha ka jaka kaba u la wai na ka bynta ïa lade, bad hangta u la pdiang sngewbha ïa baroh kiba ïawan jngoh ïa u.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 4:22

Baroh ki briew U Blei hangne ki phah ïa ki jingai khublei, khamtam kito kiba na ka ïingsyiem jong u Patsha.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.