PHILIPPI 1:12 - Khasi CL Bible (BSI)

¹² Nga kwah ïa phi ban tip, ko parabangeit jong nga, ba kiei kiei kiba la jia ha nga ki la ïarap da shisha ïa ka jingpynroi ïa ka gospel.

KA BAIBL

¹² Te nga kwah ba phin tip, ko parabangeit, ba kita kiei kiei kiba la jia ha nga ki la jia ïa ka ban kham pynroi ïa ka gospel;

PHILIPPI 1:12 Mawu Ofanana

ESTHER 9:1

Ka sngi kaba khatlai jong u Adar ka la poi, ka sngi ha kaba yn pyntreikam ïa ka jingpynbna u syiem, ka sngi mynba ki nongshun jong ki Jiw ki la thmu ban pyndem ïa ki hapoh ka bor jong ki. Hynrei pynban, ki Jiw ki la jop halor jong ki.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

LOUKAS 21:13

Kane kan long ka kabu ïa phi ban ïathuh ïa ka Khubor Babha.

KI KAM 8:4

Kita ki riewngeit ïa kiba la pynsakma ki la leit kylleng, ki da ïalap ïa ka khubor.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

PHILIPPI 1:5

namar ka rukom kaba phi la ïarap ïa nga ha ka kam jong ka gospel sha kiwei pat naduh ka sngi kaba sdang haduh mynta.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 2:22

Bad phi hi phi tip, kumno u la pynshisha ïa ka jingkordor jong u, kumno ma u bad ma nga, kum u khun bad u kpa jong u, ngi la ïatreilang na ka bynta ka gospel.

PHILIPPI 4:15

Phi ki nong Philippi phi tip bha shibun ba haba nga la mihnoh na Makedonia ha ki sngi kiba sdang ban ïalap ïa ka Khubor Babha, phi dei tang ma phi ka balang ban ïarap ïa nga; phi dei tang ma phi kiba la shim bynta ha ki jingïoh bad jingduh jong nga.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.