PHILIPPI 1:10 - Khasi CL Bible (BSI)

¹⁰ Te phin long kiba lait na baroh ki jingbymkhuid bad khlem shah kynnoh pop ha ka Sngi U Khrist.

KA BAIBL

¹⁰ ba phin ïoh nang ban bishar thuh ïa kiei kiei kiba shong pher; ba kumta, phin ïoh long kiba sngur bad kiba khlem pynthut haduh ka sngi U Khrist;

PHILIPPI 1:10 Mawu Ofanana

JENESIS 20:5

U Abraham hi u la ong ba ka dei ka para jong u, bad ka ruh ka ong kumjuh. Nga la leh ïa kane da ka jingïatiplem kaba sngur, bad ngam shym la leh bakla.”

Ka Kitab U Job 12:11

Hynrei kumba u thylliej u sngewbang ban mad ïa ka jingbam, ki shkor jong me ki sngewtynnat ban ïohsngew ïa ki kyntien.

Ka Kitab U Job 34:3

Phi tip ïa ka jingbam kaba bang dei haba phi la mad ïa ka, hynrei kam long kumta ïa ki kyntien kiba stad haba phi ïohsngew ïa ki.

MIKAH 3:2

pynban phi isih ïa kaei kaba bha bad phi ieit ïa kaei kaba sniew. Phi khoh snieh im ïa ki briew jong nga bad phi tar ïa ka doh na ki shyieng jong ki.

MATHAÏOS 16:23

U Jisu u la phai bad u la ong ha u Petros, “Khie noh na nga, ko Soitan! Me long u maw jynthut ha ka lynti jong nga, namar kine ki jingpyrkhat jong me kim shym wan na U Blei, hynrei na u briew.”

MATHAÏOS 26:33

U Petros u la kren bad u la ong ha U Jisu, “Ngan ym iehnoh ïa me da lei lei, wat la baroh kiwei pat ki leh kumta!”

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

ÏOANNIS 3:20

Uno uno uba leh ïa kiei kiei kiba sniew u isih ïa ka jingshai bad un ym wan sha ka jingshai, namar um kwah ba ïa ki kam sniew jong u yn paw.

KI KAM 24:16

Bad kumta nga ïaleh katba lah ban ïoh ka jingïatiplem kaba khuid kdar ha khmat jong U Blei bad ki briew.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

Ka Shithi U Paul Sha Ki Nong Rom 16:17

Nga kyntu ïa phi, ko ki parabangeit jong nga: To da husiar na kito kiba pynlong ki jingïapait bad kiba pynkulmar ïa ka jingngeit jong ki briew bad kiba ïaid pyrshah ïa ka jinghikai kaba phi la ïoh. To kiar na ki!

Ka Shithi U Paul Sha Ki Nong Rom 2:18

phi tip kaei kaba U Blei u kwah ïa phi ban leh, bad phi ïoh jinghikai na ka Hukum ban jied ïa kaei kaba dei;

Ka Shithi U Paul Sha Ki Nong Rom 7:16

Naba kaei kaba nga leh, ka dei kaei kaba ngam kwah ban leh, kane ka pyn-i ba nga ïamynjur ba ka Hukum ka long kaba dei.

Ka Shithi U Paul Sha Ki Nong Rom 7:22

Ka jinglong kaba hapoh jong nga ka kmen ha ka hukum U Blei.

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

1 KORINTH 1:8

U ruh un batskhem ïa phi haduh kaba kut, khnang ba phin long kiba khlem shah kynnoh pop ha ka Sngi jong U Jisu Khrist uba U Trai jong ngi.

1 KORINTH 10:32

To im ha kata ka rukom ban ym thaw jingeh ïa ki Jiw ne ïa ki Jentil ne ïa ka balang U Blei.

1 KORINTH 8:13

Te namarkata, lada ka jingbam ka pynlong ïa u parabangeit jong nga ban leh pop, ngan ym bam doh shuh, khnang ba ngan ym pynlong ïa u parabangeit jong nga ban hap ha ka pop.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 2:17

Ngim long kum kita kiba bun, kiba pynlong ïa ka khubor U Blei kum ka mar khaïi kaba tad dor; hynrei namar ba U Blei u la phah ïa ngi, ngi kren da ka jingsngur ha khmat jong u, kum ki shakri U Khrist.

2 KORINTH 6:3

Ngim kwah ïano ïano ban wad daw ïa ka jingtrei jong ngi, kumta ngi pyrshang ban ym buh ïa ki jingjynthut ha ka lynti jongno jongno.

2 KORINTH 8:8

Ngam buh ïa kino kino ki aiñ. Hynrei da kaba pyn-i kumno kiwei ki kloi ban ïarap, nga pyrshang ban wad katno ka jingieit jong phi hi ka long kaba shisha.

GALATIA 5:11

Hynrei na ka bynta jong nga, ko parabangeit, lada nga dang bteng ban ïalap ba ka jingotsher ka long kaba donkam, balei te ba nga dang shah pynshitom beiñ? Lada kata ka la long kaba shisha, te ka jingïalap jong nga ïa ka diengphna U Khrist kan ym long daw jingeh ei ei.

EPHESOS 4:15

Pynban, da kaba kren ïa ka jingshisha ha ka mynsiem ka jingieit, ngi dei ban san ha ki rukom baroh ha U Khrist uba long u khlieh.

EPHESOS 5:10

Pyrshang ban tip ïa kaei kaba pynsngewbha ïa U Trai.

EPHESOS 6:24

To ka jingaiei U Blei kan long lem bad kito baroh kiba ieit ïa U Jisu Khrist uba U Trai jong ngi da ka jingieit baneh.

PHILIPPI 1:16

Kine ki leh kumta na ka jingieit, namar ki tip ba U Blei u la ai ha nga ïa ka kam ban ïada ïa ka gospel.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

1 THESSALONI 5:21

Da tynjuh ïa kiei kiei baroh: Bat ïa kaei kaba bha

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

JINGPYNPAW 2:2

Nga tip ïa kaei kaba pha la leh; nga tip katno pha la trei shitom bad katno pha la long kaba ïaishah. Nga tip ba pham lah ban shah ïa ki briew kiba sniew bad ba pha la tynjuh ïa kito kiba ong ba ki dei ki apostol hynrei kim dei, bad pha la shem ba ki long kiba lamler.