PHILIPPI 1:1 - Khasi CL Bible (BSI)

¹ Na u Paul bad u Timothi, ki shakri U Khrist Jisu — Sha baroh ki briew jong U Blei ha Philippi kiba ha U Khrist Jisu, kiba ki kynthup ïa ki nongïalam balang bad ki nongïarap.

KA BAIBL

¹ U Paul bad u Timothi, ki shakri U Khrist Jisu, Ha ki riewkhuid baroh ha U Khrist Jisu kiba don ha Philipi, lem bad ki nongsharai bad ki tymmen basan:

PHILIPPI 1:1 Mawu Ofanana

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

KI KAM 1:20

“Naba la thoh ha ka kitab ki Salm, “ ‘Ai ba ka ïing jong u kan kylla long kaba thylli; ai ban ym don mano mano bashong hapoh jong ka.’ ” La thoh ruh, “ ‘Ai ba uwei pat un shim ïa ka jaka jong u ha ka jingshakri.’

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 9:13

U Ananias u la jubab, “Ko Trai, bun ki briew ki la ïathuh ïa nga shaphang une u briew bad shaphang kiei kiei kiba shyrkhei kiba u la leh ïa ki briew jong me ha Jerusalem.

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

1 KORINTH 16:10

Lada u Timothi un wan poi ïaid lynti sha phi, da pynthikna ba un sngew ba phi pdiang sngewbha hapdeng jong phi, namar u trei na ka bynta U Trai, kum ma nga.

2 KORINTH 1:1

Na u Paul, u apostol U Khrist Jisu da ka mon U Blei, bad na u Timothi u para jong ngi — Sha ka balang U Blei kaba ha Korinth, bad sha ki briew jong U Blei baroh kiba ha Akhaïa:

GALATIA 1:10

Hato kane ka i kumba nga pyrshang ban ïoh jingpynshisha na u briew? Em, ym kumta! Kaei kaba nga kwah ka long ban pynshisha na U Blei! Hato nga pyrshang ban pynsngewbha ïa ki briew? Lada nga dang long uba pyrshang ban leh kumta, ngam pat long u shakri U Khrist.

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

EPHESOS 1:1

Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

EPHESOS 1:15

Na kane ka daw, naduh ba nga la ïohsngew ïa ka jingngeit jong phi ha U Trai Jisu bad ka jingieit jong phi ïa ki briew jong U Blei baroh,

EPHESOS 6:24

To ka jingaiei U Blei kan long lem bad kito baroh kiba ieit ïa U Jisu Khrist uba U Trai jong ngi da ka jingieit baneh.

PHILIPPI 2:19

Lada ka long ka mon U Trai, nga kyrmen ba nga lah ban phah shen sha phi ïa u Timothi, khnang ba nga lah ban ïoh ka jingpynshlur da ka khubor shaphang jong phi.

PHILIPPI 2:5

Ka jingmut kaba phi dei ban don ka long kata kaba U Khrist Jisu u la don:

PHILIPPI 3:12

Ngam shym la kam ba nga la ïoh jop lypa lane ba la pynlong janai lypa. Nga ïai ïaleh shitom ban ïoh ïa ka prais ïa kaba U Khrist Jisu u la ïoh ïa nga sha lade hi.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

1 THESSALONI 1:1

Na u Paul, u Silas, bad u Timothi — Ha ki parabangeit jong ka balang ha Thessaloni, kiba long ki jong U Blei uba U Kpa bad U Jisu Khrist uba U Trai: Ai ba ka jingaiei bad ka jingsuk kan long ka jong phi.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.

2 THESSALONI 1:1

Na u Paul, u Silas bad u Timothi — Ha ki parabangeit jong ka balang ha Thessaloni, kiba long ki jong U Blei uba U Kpa jong ngi bad ki jong U Jisu Khrist uba U Trai:

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 3:8

Ki nongïarap ha ka balang ki dei ban don ka jinglong kaba bha bad kiba sngur mynsiem; kim dei ban kyrni dih waiñ lane kiba lalot pisa; ki dei ban bat ïa ka jingshisha ba la pynpaw jong ka jingngeit da ka jingïatiplem kaba sngur.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

TITOS 1:7

Namar ba u nongïalam balang u long uba pynïaid ïa ka kam U Blei, u dei ban long u bym don jingshah kynnoh pop. Um dei ban long uba leh meng ne uba bitar shen, ne uba buaid ne uba leh jubor ne uba lalot pisa.

PHILEMON 1:1

Na u Paul, u nongsah byndi na ka bynta U Khrist Jisu, bad na u Timothi u para jong ngi — Ha u Philemon, u paralok jong ngi bad u para ba-ïatrei lang,

HEBRU 13:23

Nga kwah ïa phi ban tip ba ïa u para jong ngi, u Timothi la pyllait na ka ïingbyndi. Lada u wan kloi, ngan wan ryngkat bad u haba nga wan jngoh ïa phi.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 2:12

“Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 22:9

Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”