PHILEMON 1:9 - Khasi CL Bible (BSI)

⁹ Hynrei namar ba nga ieit ïa me, nga pynlong ïa kane ka jingkyrpad. Nga leh ïa kane wat la nga long u Paul, u nonglamktien jong U Khrist Jisu, bad mynta ruh u nongsah byndi na ka bynta jong u.

KA BAIBL

⁹ hynrei, na ka bynta ka jingieit nga kyrpad pynban, haba nga long kat u Paul u riewtymmen, bad mynta ruh u nongsah byndi U Jisu Khrist:

PHILEMON 1:9 Mawu Ofanana

SALM 71:18

Mynta ba nga la tymmen ruh bad ba u shñiuh jong nga u la lieh, wat iehnoh ïa nga, A Blei! to long bad nga katba nga pynbna ïa ka bor bad ka jingkhlaiñbor jong me ha ki pateng baroh ki ban sa wan.

SALM 71:9

Wat kyntait ïa nga mynta ba nga la tymmen; wat iehnoh ïa nga mynta ba nga la tlot.

PROBERB 16:31

Ban im slem ka long ka bainong jong kiba hok; u ñiuhlieh u long ka pansngiat badonburom.

ISAÏAH 46:4

Nga long U Blei jong phi bad ngan sumar ïa phi haduh ba phin da tymmen bad ba u shñiuh jong phi u la lieh. Nga la thaw ïa phi bad ngan sumar ïa phi; Ngan ai jingïarap ïa phi bad ngan pyllait ïa phi.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

TITOS 2:2

Hikai ïa kiba la kham rangbah ba kin long kiba adkar, kiba tipbriew bad kiba synshar ïa lade; kiba skhem ha ka jingngeit, ka jingieit bad ka jingïaishah jong ki.

HEBRU 13:19

Bad nga da kyrpad jur ïa phi ban duwai ba U Blei un phah pat ïa nga sha phi kham kloi.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

NONGBISHAR 21:22

Lada ki kpa lane ki hynmen shynrang jong ki, ki wan ban ïeng pyrshah ïa phi, phi lah ban ong, ‘Sngewbha shah ba kin don bad ngi, namar ngim shym shim ïa ki na phi ha ka madan thma ban long ki tnga jong ngi. Bad haba phim shym la ai ïa ki ha ngi, phim long kiba la pynrem ba phi la pynkheiñ ïa la ka kular.’ ”